Затулин Ҭырқәтәылаа ирыдигалеит "ахәмаррақәа ныжьны" Аԥсны азхарҵарц

© Sputnik Томас ТхайцукЗатулин Ҭырқәтәылаа ирыдигалеит "ахәмаррақәа ныжьны" Аԥсны азхарҵарц
Затулин Ҭырқәтәылаа ирыдигалеит ахәмаррақәа ныжьны Аԥсны азхарҵарц - Sputnik Аҧсны
Анапаҵаҩра
НовостиTelegram
Ихьыԥшым атәылақәа реидгыла аинститут аиҳабы Константин Затулин рашәара 19 рзы имҩаԥгаз астол гьежь аҟны далацәажәеит Аԥсни, Ҭырқәтәылеи, Урыстәылеи реизыҟазаашьақәа шибо атәы.

АҞӘА, рашә 20 – Sputnik, Асҭанда Арӡынԥҳа. Ақырҭуа-аԥсуа еибашьра зыхҟьаз Асовет Еидгыла аилаҳара ауп. Иара убас, Қырҭтәыла уаанӡатәи ахадара ртәыла аҳәаатә акзааразы ииашамыз алкаа ахьыҟарҵаз, уи ус шакәу Ҭырқәтәылагьы иазгәарҭоит, иҳәеит Ихьыԥшым атәылақәа реидгыла аинститут аиҳабы Константин Затулин рашәара 19 рзы имҩаԥгаз астол гьежь аҟны.

"Ақырҭуа-аԥсуа еибашьра зыхҟьаз еилкаауп, уи аилкаара Урыстәыла еснагь иҟамызт, аха узеигәырӷьаша Урыстәыла Аԥсни Аахыҵ-Уаԥстәылеи азханаҵеит", — азгәеиҭеит Затулин. 

Уи иажәақәа рыла, Аԥсни Аахыҵ-Уаԥстәылеи разхаҵара иахылҿиааз иҽеим алҵшәақәа Урыстәыла ахахьы иагеит. Иахьа уи Аԥсны аҳәаа ахьчара иалахәуп, ареспублика аекономикатә цхыраара азнауеит, атәылақәа рыбжьара аиқәшаҳаҭрақәа аус руеит, адипломатиатә еизыҟазаашьақәа рыбжьоуп, иҳәеит Затулин.

Ҭырқәтәылагьы аинтерес амоуп Аԥсни иареи реизыҟазаашьақәа рырҿиара, ациҵеит уи.

"Ҭырқәтәыла ахахьы иагар ауп аҭакԥхықәрақәа рыхәҭак. Аԥсни шәареи шәеимадарақәа рырӷәӷәара убас ишәҭахызар, иазхашәҵа рхьыԥшымра, шәаҟәыҵ шәызҿу ахәмарра", — иҳәеит Затулин. 

Аԥсны излауникалтә ҳәынҭқарроу уи ауп, Ҭырқәтәылеи Урыстәылеи реизааигәатәра ароль анагӡара алшоит, азгәеиҭеит уи.  

 

 

 

Ажәабжьқәа зегьы
0