Ҭырқәтәыла акоманда Аԥсны имҩаԥысуа карате азы аицлабра аҽаланархәит

© Sputnik Астанда АрдзинбаҬырқәтәыла акоманда Аԥсны имҩаԥысуа карате азы аицлабра аҽаланархәит
Ҭырқәтәыла акоманда Аԥсны имҩаԥысуа карате азы аицлабра аҽаланархәит - Sputnik Аҧсны
Анапаҵаҩра
Карате аганахьала Иошитаки Фунакоши Ихраҿазы Жәларбжьаратәи XVII атурнир рхы аладырхәти Аԥсни, Урыстәыла Аладатәи, Нхыҵ-Кавказтәии, Сибратәии, Ацентртәи аокругқәа рҟынтәи аспортсменцәа, иара убасгьыы Ҭырқәтәылатәи акоманда.

АҞӘА, нанҳәа 10 — Sputnik, Асҭанда Арӡынԥҳа. Акарате аҟны астиль Шотокан аԥызҵаз Иошитаки Фунакоши Ихраҿа агаразы есышықәса имҩаԥысуа атурнир амҽхак еиҳа еиҳа иҭбаахоит ҳәа Sputnik акорреспондент илзеиҭеиҳәеит Аԥсны карате-до Афедерациа ахантәаҩы Геннади Барцыц.

"Аиндаҭларазы ҳара ҳахь иааит Урыстәыла еиуеиԥшым арегионқәа рҟынтәи аспортсменцәа. Раԥхьаӡа акәны ҳаицлабра рхы аладырхәит Ҭырқәтәылатәи WKF аспортсменцәа. Иазгәасҭар сҭахуп Карате азы Ҭырқәтәыла Афедерациа президентс дшыҟоу ҳџьынџьуаҩ – Маидан Бганба. Иара иоуп аделегациагьы напхгаҩыс иамоу", — азгәеиҭеит Барцыц.

Иара иажәақәа рыла, Аԥсны аганахьала Ҭырқәтәылатәи аспортсменцәа ирымоу аинтерес ҳәаақәызҵаз ируакуп сынтәа, лаҵарамзазы Сҭамбыл ақалақь аҟны имҩаԥысуаз аицлабрақәа рҟны аԥсуа спортсменцәа иаадырԥшыз алҵшәақәа.

"Адиаспореи ҳареи ҳаимадара аӡбахә ануҳәо акультуреи аспортти рызҵаарақәа еиҳа хадара змоу ракәны ицәырҵуеит. Карате азы Аԥсны Афедерациа Сҭамбылтәи аиндаҭларақәа рҟны узеигәырӷьаша алҵшәақәа аарԥшны иалнаршеит адунеи ҿыц ахь ашәқәа раартра. 23 тәыла рҟынтәи 557-ҩык аспортсменцәа еизызгаз Жәларбжьаратәи атурнир IJKA аҟны еизго Аԥснытәи акоманда афиналбжа аҟынӡа инеиит. Изҵахазгьы акарате ашьаҭаркыҩцәа, иапониатәи акоманда аспортсменцәа роуп", — иҳәеит Барцыц.

Иара убасгьы иазгәеиҭеит карате азы Ҭырқәтәыла Афедерациеи Аԥснытәи Афедерациеи реимадарақәа

Аԥсны акоманда жәларбжьаратәи аиндаҭларақәа ирылахәхартә еиԥш ишацхраауа.

Хаҭала уажәазы, аԥсуа спортсменцәа Иапониатәи ақалақь Саппоро аҟны имҩаԥысран иҟоу КWF аверсиала аицлабрақәа рахь инарыԥхьахьеит.

Барцыц иажәақәа рыла, аԥсуа спортсменцәа азыҟаҵара бзиа рымоуп.

"Аԥснытәи еизгоу акоманда иалоуп иреиӷьу аспортсменцәа", — ҳәа азгәеиҭеит Барцыц.

Карате азы Ҭырқәтәыла Афедерациа анапхгаҩы, апрезидент еиҭеиҳәеит акомандаҟны хәҩык аспортсменцәа шыҟоу.

"Ҳара ҳкоманда иаалахәуп хәҩык иазыҟаҵоу, аԥышәа змоу аспортсменцәа. Сгәы иаанагоит урҭ рԥышәа дара рызгьы, аԥсуа спортсменцәа рызгьы хра аманы иҟалап ҳәа", — азгәеиҭеит Бганба.

Карате аганахьала Иошитаки Фунакоши Ихраҿазы Жәларбжьаратәи XVII атурнир еиҿкаауп Карате-до азы Аԥсны Афедерациеи Аҟәа ақалақь Ахадара абаҩырҵәыреи аспорти рызҵаарақәа рзы Аилаки рхылаԥшрала.

Ажәабжьқәа зегьы
0