Иаатуеит нанҳәа 14-и хатәгәаԥхарала еибашьуази ирызку аекспозициа

© Sputnik Томас ТхайцукМузея Боевой славы им. Владислава Ардзинба
Музея Боевой славы им. Владислава Ардзинба - Sputnik Аҧсны
Анапаҵаҩра
НовостиTelegram
Нанҳәа 14 рзы аибашьра алагара амш иазкны, иара убас нанҳәа 15 - хатәгәаҧхарала еибашьуаз рымш иазкны имҩаҧгахоит ацәыргақәҵатә експозициа.

АҞӘА, нанҳәа 13 — Sputnik, Бадраҟ Аҩӡба. Аҧсны жәлар Рџьынџьтәылатә еибашьра алагара амши хатәгәаҧхарала еибашьуаз рымши ирызкны Владислав Арӡынба ихьӡ зху Ахьӡ-аҧша амузеи аҟны ахәаша, нанҳәа 14 асааҭ 12 рзы имҩаҧгахоит ацәыргақәҵа.

Амузеи аҟны ицәыргахоит аибашьра раҧхьатәи амшқәа рзы иҭахаз рфотосахьақәеи арратә корреспондент Рамин Қаџьаиа иархив аҟынтәи афотосахьақәеи иара убасгьы афотограф-адокументалист Олег Климов иусумҭақәа.

"Агәалашәара амш – ари игәыхьу мшуп. Ҳара ҳзы акраҵанакуеит ҳҭоурых агәалашәара, ҳабиҧарақәа рызнагара. Хымҧадан ргәалашәара ҳацзароуп хатәгәаҧхарала иааны ҳаҧсадгьыли ҳҧеиҧши ҳацзыхьчаз", — лҳәеит Владислав Арӡынба ихьӡ зху Ахьӡ-аҧша амузеи адиректор Мзиа Беиаҧҳа.

Амузеи аҭааҩцәа ирбар рылшоит афотокорреспондент Витали Қьецба иархив аҟынтәи хатәгәаҧхарала иааны иҳацеибашьуаз рфотосахьақәа, иара убасгьы абџьар аекспозициа, аибашьцәа рҳамҭақәа.

Амузеи аекспозициа мҩаԥнагоит Лука Гаделиа инагӡарала ауарӷантә музыкеи Кристина Ешԥҳа лынагӡарала авокалтә шәаҳәареи.

Аибашьра алагара амш иазкуи хатәгәаҧхарала еибашьуаз Рымш иазкуи ацәыргақәҵа мҩаҧгахоит нанҳәа 14 рзы.

Ажәабжьқәа зегьы
0