Бзыԥҭатәи аԥсыӡкыҩцәа Аԥсны Аҳәынҭқарра Ахада ихраҿа иаԥсахеит

© Sputnik / Виталий Аньков / Амедиаҵәахырҭахь аиасраРыбалка. Архивное фото.
Рыбалка. Архивное фото. - Sputnik Аҧсны
Анапаҵаҩра
НовостиTelegram
Ҵәгәырла аԥсыӡкразы, иаарту хаҭалатәи – акомандатә чемпионат аҟны Бзыԥаа актәи аҭыԥ ргеит.

ГАГРА, цәыббра 22 — Sputnik, Саида Жьиԥҳа. Аԥсыӡкратәи ашәарыцаратәи спорт азы Аԥсны Афедерациа аԥшьгарала Бзыԥ аӡиас аҟны имҩаԥысуан аҟәараҟнытә ҵәгәырла аԥсыӡкразы иаарту хаҭалатәи – акомандатә чемпионат.

Аицлабра ҽнак шагыз, Бзыԥ аӡиас азхәҭак еихшан аҟәшақәа рыла, уахь иоужьын ақалмаҳа. Иазгәаҭатәуп аицлабраан иркуаз аԥсыӡ ушьҭахьтәи ишоурыжьуаз, абри асистема ихадароу акәны иҟоуп Аԥсыӡкратәи ашәарыцаратәи спорт азы Аԥсны Афедерациа имҩаԥнаго аицлабрақәа рҟны.

"Ачемпионат иалахәын 11 команда, урҭ рахьтә ԥшьба Аԥснытәиқәа ракәын, егьырҭ Краснодар атәылаҿацәи Липецк ақалақьи ирхаҭарнакцәан. Аԥсны ас еиԥш иҟоу аспорттә еицлабрақәа раԥхьаӡа акәны имҩаԥысуеит, аха уеизгьы аҭыԥантәи аԥсыӡкыҩцәа ирылшеит ари аспорт хкы аҟны аҩаӡара ҳаракы аарԥшны актәи аҭыԥ агара. Аӡбаратә гәыԥ зегь ҳахьӡала ачемпионцәа ирыдысныҳәалоит иргаз аиааира. Агәра згоит ари аусмҩаԥгатә ԥхьаҟагьы иқьабз бзианы ишеихаҳҳало, ачеиџьыка змоу Аԥсны ишаднаԥхьало Урыстәылатәи аԥсыӡкыҩцәа рнаҩсгьы егьрҭ аҳәаанырцә атәылақәа рҟынтәгьы", — иҳәеит ачемпионат аӡбаҩ хада Иури Буклеев.

Акомандатә зшьа аҟны аџьаз медалқәа ирыԥсахеит Краснодар атәылаҿацә Новопокровск араион аҟнытә аспортсменцәа, арыӡны ранашьан Пицундатәи акоманда "Пицунда 1" аԥсыӡкыҩцәа, ахьтәы медалқәеи атәыла Ахада ихраҿеи ранашьан Бзыԥҭатәи аԥсыӡкыҩцәа.

Аӡынтәи аԥсыӡкра Аҟәа - Sputnik Аҧсны
Аҟәатәи абаӷәазаҿы аӡынтәи аԥсыӡкра

Хаҭалатәи азшьаҟны ахԥатәи аҭыԥ ааникылеит Краснодар атәылаҿацә ахаҭарнак Виачеслав Сериньков, аҩбатәи аҭыԥ даԥсахеит акоманда "Пицунда1" алахәҩы Альберт Бондаренко, актәи аҭыԥ ааникылеит Бзыԥҭатәи аԥсызкыҩ Вахтанг Аџьынџьал.

"Ачемпионат иалахәыз зегьы ирыдысныҳәалоит қәҿиарала аусмҩаԥгатә ахырқәшара. Аԥхьахәқәа згаз ирзеиӷьасшьоит уи аҿы иаанымгыларц, аиааира еиздырҳаларц. Аԥсыӡкратәи ашәарыцаратәи спорт азы Аԥсны Афедерациа ахьӡала иҭабуп ҳәа расҳәоит аӡбаратә гәыԥи ачемпионат амҩаԥгараҿы ацхыраара ҳазҭази. Ҳара ҩаԥхьагьы изакәантәу ашәарыцареи аԥсыӡкреи ҳарзықәԥалоит. Ҳхы рылаҳархәлоит Аԥсни Урыстәылеи имҩаԥысло еиуеиԥшым аицлабрақәеи ачемпионатқәеи", — ҳәа азгәеиҭеит Аԥсыӡкратәи ашәарыцаратәи аспорт азы Аԥсны Афедерациа аиҳабы Альберт Бондаренко.

Аԥхьахәқәа згаз иранашьан амедалқәеи, ахраҿақәеи, агәаларшәагатә ҳамҭақәеи.

Ачемпионат амҩаԥгараҿы афинанстә цхыраара ҟарҵеит атәыла Ахада Рауль Ҳаџьымба, Гагра араион Ахадара аиҳабы Беслан Барцыц, Пицунда ақалақьи Бзыԥҭа аҳаблеи рхадацәа.

Ажәабжьқәа зегьы
0