Русҭам Минниханов официалтә визитла Аԥсны даҭааит

© Sputnik Томас ТхайцукПрезидент Татарстана впервые прибыл в Сухум с официальным визитом
Президент Татарстана впервые прибыл в Сухум с официальным визитом - Sputnik Аҧсны
Анапаҵаҩра
НовостиTelegram
Ареспублика Ҭаҭарсҭан ахада Русҭам Минниханов раԥхьаӡа акәны официалтә визитла Аԥсны даҭааит.

АҞӘА, жьҭаара 1 — Sputnik, Асҭанда Арӡынԥҳа. Иахьа ашьыжь, жьҭаара 1 азы Ареспублика Ҭаҭарсҭан ахада Русҭам Минниханов раԥхьаӡа акәны официалтә визитла Аԥсны даҭааит.

Ареспублика Ҭаҭарсҭан Ахада дызҭаз аҵәиԥрыга тәеит Владислав Арӡынба ихьӡ зху аҳаиртә баӷәазаҟны. Асас дахь диԥылеит ареспублика Аԥыза-министр Артур Амқәаб.

Ҭаҭарсҭантәи аделегациа иалахәуп: Урыстәыла аҳәынҭқарратә Дума адепутат Фатых Сибагатуллин, Ареспублика Ҭаҭарсҭан Аекономика аминистр Артиом Здунов, Атуризм азы Аилак аиҳабы Сергеи Иванов.

Аԥсны ахада усутә визитла Ҭаҭарсҭан дыҟоуп

Авизит аҳәаақәа ирҭагӡаны Минниханови Аԥсны Ахада Рауль Ҳаџьымбеи еиԥылараны иҟоуп. Иара убасгьы иазыԥхьагәаҭоуп Минниханови Аԥсны анапхгареи реиԥылара.

Ҭаҭарсҭан Апрезидент хаҭала дырҭаараны дыҟоуп Аҟәатәи ахштә зауади Очамчыра араион Кындыӷ ақыҭан иҟоу арԥхарҭатә нхамҩаеи.

Апрограммаҟны иара убасгьы иазыԥхьагәаҭоуп Очамчыра араион ахаԥраара, амшынтә баӷәазеи, араион анхамҩатә ҭыԥқәеи иара убасгьы Тҟәарчалтәи азауадқәа "Зариеи" "Аргонавти" рҭаара.

Ари авизит раԥхьатәиуп. Уаанӡа, 2015 шықәса ԥхынгәымзазы Рауль Ҳаџьымба хадас дызмаз Аԥснытәи аделегациа Казань официалтә визитла иҟан.

Ажәабжьқәа зегьы
0