АҞӘА, ԥхынҷкәын 17 — Sputnik. Қырҭтәыла аҵакырадгьыл акзаара азҵаара ӡбтәыс измоу Аԥсни, Уаԥстәылеи, Қырҭтәылеи рыжәларқәа роуп, иҳәеит Путин есышықәса имҩаԥиго апресс-конференциаҟны.
"Қырҭтәыла аҵакырадгьыл акзаара акәзар зыӡбахә шәымоу, уи азҵаара ӡбтәыс измоу Аԥсни, Уаԥстәылеи, Қырҭтәылеи рыжәларқәа роуп. Ҳара урҭ еиқәшаҳаҭны еицырыӡбо зегьы ҳадаҳкылоит", — иҳәеит Путин.
1992 шықәса нанҳәа 14 рзы ақырҭуа ар, аихамҩа ахьчара ҿыӡгас иҟаҵаны Аԥсны иалалеит. Аԥсны жәлар Рџьынџьтәылатә еибашьра цон 13 мзы. 1993 шықәса цәыббра 30 рзы аибашьра еилгеит аԥсуаа риааирала.
