АҞӘА, ԥхынҷкәын 24 — Sputnik. Аԥсны иҟоу Аладатәи арратә округ абазаҟны агранатаршәыҩцәа ҿарацәа аҽазыҟаҵарақәа мҩаԥыргоит агранатаршәга РПГ-7, агранатаршәга АГС-17 рхархәарала, ҳәа аанацҳаит Аԥсны иҟоу Аладатәи арратә округ апресс-маҵзура.
Аԥсны иҟоу Аладатәи арратә округ апресс-маҵзура иаанацҳауеит агранатаршәыҩцәа рҽазыҟаҵарақәа еиуеиԥшым афизико-географиатә ҭагылазаашьақәа рҟны имҩаԥысуеит ҳәа.
Аҽазыҟаҵарақәа раан аррамаҵзурауаа ирҵоит ахәықәкы аҭаԥшыхәра, еиуеиԥшым аҳауатә ҭагылазаашьақәа раан ахысраз аҭыԥ алхра, уахынлатәии ҽынлатәии ахархәагақәа, ахысшьа. Аибашьраҟны агәыԥ, аҟәша далахәны агранатаршәыҩ ихымҩаԥгашьа рҵоит.
Атанк, акәлаӡыласла ихҩоу атехника уҳәа 400 метра ахьынӡабжьоу реихсшьеи рақәыршәашьеи рҵоит. Ахысрақәа рыбжак мҩаԥгахоит уахынлатәи аамҭаз.
150-ҩык агранатаршәыҩцәа ҿарацәа аҽазыҟаҵарақәа мҩаԥыргоит агранатаршәга РПГ-7, агранатаршәга АГС-17 рхархәарала. Аҽазыҟаҵарақәа хыркәшахоит амза анҵәамҭаз аполигонқәа рҟны азшьатә хысрақәа рымҩаԥгарала.
