АҞӘА, жәабран 1 – Sputnik. ЗҲәА "Винныи стиль" Урыстәыла иахьаҵанакуа ирҭиуеит ЗҲәА "Батоно" (Қырҭтәыла) иҭнажьуа аҩқәа, урҭ Аԥснытәи аҩқәа ракәушәа ҳәа аанацҳауеит Аԥсны Аҳәынҭстандарт апресс-маҵзура.
"Хыхь иарбоу атауарқәа Аԥсны аҵакырадгьыл аҟны иахьҭырмыжьуа инамаданы дара Аԥсны иатәушәа ирҳәо аахәаҩ дызжьо акакәны иҟоуп", ҳәа аҳәоит аацҳамҭаҟны.
Аԥсны Аҳәынҭстандарт иаԥхьаӡоит ЗҲәА "Винныи стиль" Аԥсны аҳәынҭқарратә суверинитет ҳаҭыр ақәнаҵом ҳәа.
Аҳәынҭстандарт иазгәанаҭоит иҟоу аҭагылазаашьа Аԥсни Урыстәылеи рыбжьара аиҩызаратә еизыҟазаашьақәа ԥырхага арҭоит ҳәа.
Аҳәынҭстандарт ЗҲәА "Винныи стиль" анапхгаҩы иахь адҵа ҟанаҵеит ақырҭуа ҩы аалыҵ аԥснытәи абренд иаҵаркны ирымҭиларц.
Аофициалтә мапцәкра ҟарҵар, Аԥсны Аҳәынҭстандарти Урыстәыла аҵакырадгьыл аҟны аԥсуа ҩқәа рофициалтә дистибиутор "Мистраль-Алкои" аматериалқәа аӡбарҭахь инарышьҭраны иҟоуп.
