Аԥсны Ахәаахәҭра-ааглыхратә палата Будапешттәи ацәыргақәҵа иалахәуп

© Sputnik / Алексей Куденко / Амедиаҵәахырҭахь аиасраБудапешт.Архивтә фото
Будапешт.Архивтә фото - Sputnik Аҧсны
Анапаҵаҩра
НовостиTelegram
Аԥсны Ахәаахәҭра-ааглыхратә палата апрезидент Геннади Гагәылиа иаҳзеиҭеиҳәеит аԥснытәи аделегациа Жәларбжьаратәи Будапешттәи ацәыргақәҵа иалахәуп ҳәа.

АҞӘА, хәажәкыра 4 — Sputnik, Бадраҟ Аҩӡба. Аԥсны Ахәаахәҭра-ааглыхратә палата апрезидент Геннади Гагәылиа иаҳзеиҭеиҳәеит аԥснытәи аделегациа хәажәкыра 3 рзы иаатыз Жәларбжьаратәи Будапешттәи ацәыргақәҵа “Hungexpo“ иалахәуп ҳәа.

Гагәылиа: Урыстәыла Ахада аҵак ду аманы иԥхьаӡоит абизнес аусура

"Ҳара ҳекспозициа еснагьеиԥш аинтерес аҵоуп. Зегьы ирҭахуп Аԥсны аилкаара, адырра", — иҳәеит Гагәылиа.

Иара иажәақәа рыла ацәыргақәҵа иалахәуп 45 тәыла. Урҭ рыбжьара иҟоуп Бразилиа, Китаи, Таиланд, Индонезиа, Ефиопиа уҳәа егьырҭгьы.

"Ҳара аҭааҩцәа ирыдаагалоит Аԥсны аӡбахә зҳәо абуклетқәа" — иҳәеит Гагәылиа.

Иара иазгәеиҭеит ацәыргақәҵа аҭааҩцәа рацәаны ишамоу.

"Ҳцәыргақәҵа иаҭааз рҟынтәи ирацәаҩуп Аԥсны абара зҭаххаз. Ирацәаҩуп аратәи аҭагылазаашьа иазҵаауа, Аԥсни Қырҭтәылеи реизыҟазаашьа ҳара ҳҿала еилызкаар зҭаху", — иҳәеит Гагәылиа.

Геннади Гагәылиа иазгәеиҭеит атурист фирмақәа рхаҭарнакцәагьы Аԥсны аинтерес шрымоу.

Геннади Гагәылиа иазгәеиҭеит асабшеи амҽышеи ауаа рацәа ацәыргақәҵахь рнеира ишазыԥшу. Ацәыргақәҵа аус ауеит хәажәкыра 7 рҟынӡа.

Ажәабжьқәа зегьы
0