Бганба: Апарламент адгьылқәа аинвесторцәа рыҭара хылаԥшра анаҭалароуп

© Sputnik / Михаил Мокрушин / Амедиаҵәахырҭахь аиасраЖәлар Реизара аиҳабы Валерии Бганба.
Жәлар Реизара аиҳабы Валерии Бганба. - Sputnik Аҧсны
Анапаҵаҩра
НовостиTelegram
Аԥсны Жәлар Реизара – Апарламент аилатәара мҩаԥысит ашәахьа, хәажәкыра 21 рзы. Аилатәараҟны ирылацәажәан Адгьылтә кодекс аԥсахрақәа алагалара.

АҞӘА, хәажәкыра 21 — Sputnik, Бадраҟ Аҩӡба. Аԥсны Жәлар Реизара – Апарламент аилатәара мҩаԥысит ашәахьа, хәажәкыра 21 рзы. Аилатәараҟны ирылацәажәан Адгьылтә кодекс аԥсахрақәа алагалара. Апарламент адгьылқәа аинвесторцәа рыҭара хылаԥшра анаҭалароуп иҳәеит аилатәараҟны Жәлар Реизара аиҳабы Валери Бганба.

"Адгьылтә кодекс инақәыршәаны ҳара адгьыл ҭара ахылаԥшра аҳҭоит ҩ-хәҭаҷк рҵакрала, аинвесторцәа адгьыл рыҭарагь абрахь иаҵанакуеит. "Аинвестициақәа рзы" Азакәан анҳадаҳкыла ашьҭахь ицәырҵит Азакәан еиуеиԥшымкәа аилкаара, убри азы аҭагылазаашьа аԥсахра нап аҳаркит. Адгьылҭара Апарламент хылаԥшра анаҭалароуп", — иҳәеит Бганба.

Апарламент адепутат Кан Кәарҷиа иазгәеиҭеит Аминистрцәа Реилазаара адгьыл ҭыԥқәа рыҭара мҩаԥнагоит "Аинвесторцәа рзы" азакәан ҵаҵӷәыс иҟаҵаны.

"Иазгәаҭатәуп ари азакәан адгьылтә еизыҟазаашьақәа рҭышәныртәалара ишазырхам. Азакәан ахь аԥсахрақәа рылагалара аҭахны иҳаԥхьаӡеит Аминистрцәа Реилазаара аҵыхәтәантәи аамҭақәа рзы Апарламент ақәшаҳаҭра ыҟамкәа адгьылқәа аинвесторцәа иахьрырҭо", ҳәа азгәеиҭеит Кәарҷиа.

Азакәан апроект инақәыршәаны Аминистрцәа Реилазаареи аҭыԥантәи ахаланапхгараҭаратә органқәеи 2016 шықәса рашәарамза 1 аҟынӡа ақәшаҳаҭразы Апарламент ахь ицәырыргароуп 2014 шықәса цәыббра 1 инаркны аиурист хаҿқәеи аусбарҭақәеи адгьыл ресурсқәа рыҭаразы ирыдыркылаз Ақәҵарақәеи Адҵақәеи.

Ақәшаҳаҭраз Апарламент ахь инарымгаз 2014 шықәса цәыббра 1 инаркны аиурист хаҿқәеи аусбарҭақәеи адгьыл ресурсқәа рыҭаразы ирыдыркылаз Ақәҵарақәеи Адҵақәеи рымчра рцәыӡуеит.

Ажәабжьқәа зегьы
0