Аџьар ҟаԥшь амашьынақәа Ҟарабахҟа инеиит

© Sputnik / Рамиль Ситдиков / Амедиаҵәахырҭахь аиасраАџьар ҟаԥшь амашьынақәа Ҟарабахҟа инеиит
Аџьар ҟаԥшь амашьынақәа Ҟарабахҟа инеиит - Sputnik Аҧсны
Анапаҵаҩра
НовостиTelegram
Аџьар ҟаԥшь амашьынақәа ҩба Ҟарабахтәи ақалақь Талыш ахь инеиит иҭахаз рыԥсыбаҩқәа рыԥшааразы.

АҞӘА, мшаԥымза 8 — Sputnik. Аџьар ҟаԥшь Жәларбжьаратәи аилак амашьынақәа ҩба Ҟарабахтәи ақалақь Талыш ахь инеиит иҭахаз аимак алахәылацәа рыԥсыбаҩқәа рыԥшааразы.

Аџьар ҟаԥшь Жәларбжьаратәи аилак амашьынақәа ҩба Ҟарабахтәи ақалақь Талыш ахь инеиит. Ари ақалақь аҟноуп еиҳарак азербаиџьантәии ермантәылатәии аганқәа реиҿагыларақәа ахьымҩаԥысыз.

Ахәаша, Ашьха Ҟарабахтәи аимак аганқәа еилацәажәеит амца аанкылахарц асааҭ 14 инаркны асааҭ 19 рҟынӡа, иҭахаз рыԥсыбаҩқәа рыԥшааразы.

Ашьха-Ҟарабахтәи Ареспублика. - Sputnik Аҧсны
Адәныҟатәи аусқәа рминистрцәа ҟарабахтәи аимак иалацәажәеит

Ермантәылеи Азербаиџьани мшаԥымза 2 рзы аҳәамҭа ҟарҵеит аимак иахьаҵанакуа аҭагылазаашьа уадаҩхеит ҳәа. Аҩашаҽны аганқәа рыҩбагьы аимак иахьаҵанакуа бџьаршьҭыхлатәи аоперациақәа аамҭала иаанаҳкылоит ҳәа ишьақәдыргылеит.

Ашьха Ҟарабах азы Ермантәылеи Азербаиџьани рыбжьара аимак ахы цәырнагеит 1988 шықәса жәабранмзазы, Ашьха Ҟарабахтәи автономтә област Азербаиџьантәи ССР иалҵуеит ҳәа аҳәамҭа аныҟанаҵа ашьҭахь. 1991 шықәса цәыббрамзазы Ашьха Ҟарабахтәи автономтә област аҳҭнықалақь Степанакерт ирылаҳәан Ашьха Ҟарабахтәи Ареспублика аԥҵара. 1992 шықәса раахыс аиҿцәажәарақәа мҩаԥысуеит аимак аҭышәныртәаларазы. Аганқәа рыҩбагьы дасу иинтиресқәа ихьчоит.

Мшаԥымза 5 рзы аимак аганқәа амца аанкылоуп ҳәа аҳәамҭа ҟарҵеит.

Ажәабжьқәа зегьы
0