Аиааира амш Дәрыԥшь иазгәаҭан аҽырыҩрақәа рыла

© SputnikАҽырыҩрақәа.
Аҽырыҩрақәа. - Sputnik Аҧсны
Анапаҵаҩра
Yandex newsTelegram
Ҩымш рыҩныҵҟа аҽыҩҷкәынцәа еиндаҭлон. Иара убасгьы дара рҟыбаҩ ахәаԥшыҩцәа иддырбон амилаҭтә ҽырхәмаррақәа рҟынгьы.

ДӘРЫԤШЬ, лаҵарамза 10 — Sputnik, Бадраҟ Аҩӡба. Аџьынџьтәылатә еибашьра Дуӡӡаҟны Аиааира амшныҳәа иазкны Дәрыԥшь ақыҭан имҩаԥысуан аҽырхәмаррақәа. Абри атәы ааицҳаит ҳкорреспондент аҭыԥаҟынтәи.

Ҩымш рыҩныҵҟа аҽыҩҷкәынцәа еиндаҭлон. Иара убасгьы дара рҟыбаҩ ахәаԥшыҩцәа иддырбон амилаҭтә ҽырхәмаррақәа: аҵәыршәра, аҽышьапылампыл, аҽҟазара рҟынгьы.

Аныҳәа аҽны арахь дааит атәыла Ахада Рауль Ҳаџьымба.

Аиндаҭлараҟны иқәыргылан Асовет Еидгыла Афырхаҵа Владимир Ҳаразиа ихраҿа (ҩ-нызқь метра аҩразы).

"Угәы иахәаратәы иҟоуп Аиааира Амша абас мҽхакыҭбаала иахьазгәарҭо. Агәалашәара хьчатәуп. Аиааира ирацәаҩуп зыԥсы ахҭнызҵаз", — иҳәоит Леонид Черқьезиа.

Араҟа Аԥсны атәылауаа реиԥш ирацәан атәыла асасцәагьы.

"Схаҵеи сареи ара ҳаԥсы ҳшьоит. Иаабо зегь агәахәара ҳнаҭоит, иаҳгәаԥхоит", — лҳәоит Ирина Короткова.

© SputnikСкачки.
Скачки. - Sputnik Аҧсны
Скачки.

Аиндаҭлара иалахәын Гәдоуҭа араион ақыҭақәа быжьба: Аацы, Аҷандара, Дәрыԥшь, Џьырхәа, Жәандәрыԥшь, Ҟәланырхәа, Лыхны ркомандақәа.

Ажәабжьқәа зегьы
0