АҞӘА, рашәарамза 20 — Sputnik, Бадраҟ Аҩыӡба. Атәыла ахада адҵа ҟаиҵеит "Аҵәахырҭатә банк" гагратәи аҟәша арҳәра ҟазҵаз реилкаара, ААР (МВД) аилацәажәараҿы рашәарамза 20 рзы ашәахьа.
"Сара ахәара ҟасҵеит ари ацәгьоура ҟазҵаз раарԥшра, гагратәи абанк арҳәра иадҳәалоу, аха макьаназ лыҵшәа ыҟам", — атәыла ахада,гагратәи РУВД ахаҭарнак иеиҳәеит.
Рауль Ҳаџьымба адҵа ҟаиҵеит иаарласны ацәгьоура аартра, уи дагьақәдыргәыӷит.
"Аусура алыҵшәақәа ртәы сшәазҵаауеит жәамш рышьҭахь", — ҳәа иациҵеит атәыла ахада.
Нанҳәамза 25 2015 шықәсазы ацәгьоуцәа гагратәи "Аҵәахырҭатә банк" дырҳәит, 14 миллион мааҭ аԥара рӷьычит. Аусеилыргара мҩаԥнагоит Гагратәи РОВД аҟәша.
