АҞӘА, нанҳәа 3 — Sputnik. Аԥсны атуризми аԥсыӡкреи русхк рҿиалатәуп. Уии азы ара иахәҭоу зегьы ыҟоуп, иҳәеит Урыстәыла Аҳәынҭқарратә Дума алахәыла Леонид Слуцки.
Слуцки игәаанагарала араҟа атуризм аҿиара хымԥадазароуп.
"Акурорттә усхкы аиҭарҿиара азутәуп, аԥсыӡкра иадҳәалоу анаплакқәа еиҭашьақәыргылатәуп. Урҭ Аԥсны аекономика аҿиара даара иацхраауан", — иҳәеит Слуцки.
Иара убасгьы иазгәеиҭеит "абанктә усхк аусура" аиҭарҿиареи аизырҳареи шаҭаху.
