АҞӘА, цәыббра 23 – Sputnik, Бадраҟ Аҩӡба. Арт-фестиваль "Амшын аԥшаҳәаҿы анаиааира" аԥхьаҩцәа ацнаҵап ҳәа ҳгәыӷуеит, иҳәеит Аԥснытәи амилаҭтә библиотека аиҳабы Борис Ҷолариа.
"Иахьа ицәырҵыз атехника инадҳәаланы, аелектронтә версиақәа ахьцәырҵыз азыҳәа ашәҟәы аԥхьара хьысҳахо ианалага ицәырҵит Жәларбжьаратәи апроектқәа. Аԥара змаз аҳәынҭқаррақәа, ашәҟәқәа аахәаны аҭыԥ ылхны уа инрыжьуан, ауаа аԥхьаларц азы", — азгәеиҭеит уи.
Ас еиԥш иҟоу апроектқәа цәырҵуа ианалага Аԥсны ашәҟәыԥхьара иацлар азы иӡбан Жәларбжьаратәи арт-маркет амҩаԥгара.
"Уи апроект ҳара ҳҿгьы хәы-шықәса аус ауит. Ҳара иаҳҭаххеит ажәлар еидызкыло апроект аҟаҵара", — иҳәеит уи.
Апроект иалагӡаны, Аҟәа аԥшаҳәаҿы еиҿкаахоит, алитература, амузеи, асахьаҭыхра, амода, амилаҭтә наплакы, акәашара, амузыка, аспорт, уҳәа рыла аицлабрақәа.
