Микрофон  - Sputnik Аҧсны
Арадио

Бебиаԥҳа: Аибашьрахь снеира хықәкыла акәым ишыҟалаз, ианналага нахыс- ҳалагылан

© Sputnik / Томас ТхайцукЕкатерина Бебия
Екатерина Бебия - Sputnik Аҧсны
Анапаҵаҩра
НовостиTelegram
Аԥсны аџьынџьтәылатәи еибашьра ашықәсқәа рзы аԥсуа журналистцәа ирылшеи аинформациатә еибашьра аҿагылара. Ажәлар ирызнаргон аибашьра адәыҟнытәи, ахырӷәӷәарҭақәа рҟынтәи, ииашаз иҵабыргыз аинформациа. Хәы змаӡам аибашьратә архив аидкылара аиқәырхара лылшеит ажурналист, Агәымшәараз амедал занашьоу Екатерина Бебиаԥҳа.

Аибашьра ашықәсақәа агәаларшәара уадаҩуп, лҳәоит Екатерина Бебиаԥҳа. 

"Аибашьра анысгәалашәо схәы сжьы еилалгылоит, абри аҟара шықәса шҵхьоугьы. Зны зынла схы сазҵаауеит излаҳалшеи ҳәа. Усҟан ҳалашҩакны амца ҳалагылан. Аха уажәы даҽакала сахәаԥшуеит, иуадаҩҵәҟьазаап аибашьра алагылара, ана ара уҩызцәа анувыршьаауа", — лҳәеит ажурналсит.

"Хра злоу ахҭысқәа": Агәымшәараз амедал занашьоу Екатерина Бебиаԥҳа дазааҭгылоит аибашьра ашықәсқәа шылгәалашәо атәы.

"Аибашьрахь снеира шыҟалаз ҳәагьы сгәалашәом, избанзар, абри абас иԥкааны иҟаҵатәуп, ицатәуп, иахьа нахыс аибашьра сцоит ҳәа акәымкәа ус иара ианналага нахыс аибашьра ҳалагылар акәхеит. Усҟан аԥсуа радио аҟны акәын аус ахьызуаз, иахьеиԥш исгәалашәоит ацҳа ҟаԥшь аҟны срепортиор кны саннеиз. Аҟәа ақырҭцәа рнапахьы иааргахьан ҳара ардиоҟны ҳҭыҵны аус анаҳуаз. Иџьасшьоит иахьанӡагьы, рнапахьы ҳазланарымгеи, ҳазларымшьи", — ҳәа лҳәоит Бебиаԥҳа.

Екатерина Бебиаԥҳа лыҿцәажәара шәаԥхьар ҟалоит абра


Ажәабжьқәа зегьы
0