АҞӘА, абҵара 7 – Sputnik, Бадри Есиава. Аԥсны Апрокуратура хада дааннакылеит Адгәыр Корсантиа. Иара ахара идырҵоит Апарламент адепутат Кан Кәарҷиа иҭархара аиҿкаара далахәын ҳәа. Абри атәы аанацҳауеит Апрокуратура хада асаит.
Адепутат Кан Кәарҷиа иакәзар иҳәоит иҭархаразы аҽазышәара шеиҿыркаауаз аха ашьаусҭҵаара даԥырхагамхарц ахҳәаақәа ҟаиҵом. Абри атәы ҳкорреспондент иеиҳәеит адепутат Кан Кәарҷиа.
"Ҳәарада, сара издырқәо ыҟоуп аха макьана ахҳәаа ҟасҵом. Азинмчратә органқәа аус рулааит", — иҳәеит Кәарҷиа.
Иара убасгьы иазгәеиҭеит абри аус алацәажәара иашам ашьаусҭҵааратә органқәа русура хдыркәшаанӡа ҳәа.
Аԥснытәи арадиотелерадиоеилахәыра аҵакырадгьыл аҟны ашәахьа, жьҭаара 17 рзы аԥжәара ҟалеит. Арԥжәага зымпыҵаԥжәаз ауаҩы иԥсҭазаара далҵит.
АГТРК аҵакырадгьыл аҟны аҭыԥ змаз аԥжәара аганахьала ашьаус хацыркуп Аԥсны Аҳәынҭқарра Ашьаустә Кодекс ахәҭаҷқәа ҩба инарықәыршәаны. Аԥсны Апрокуратура хада дааннакылеит Адгәыр Корсантиа. Иара ахара идырҵоит Апарламент адепутат Кан Кәарҷиа иҭархара аиҿкаара далахәын ҳәа.
Кан Кәарҷиа Аԥсны жәлар реибашьра даветерануп. Ианашьоуп Леон иордени Кәыдры агаразы "Агәымшәарази" амедал. Диит 1974 шықәса ԥхынгәы 1 азы.
