Даур Ҭарба: аԥсыӡкра аквота иацҵахеит

© Sputnik / Виталий Аньков / Амедиаҵәахырҭахь аиасраДаур Ҭарба: аԥсыӡкра аквота иацҵахеит
Даур Ҭарба: аԥсыӡкра аквота иацҵахеит - Sputnik Аҧсны
Анапаҵаҩра
НовостиTelegram
Аԥсны Ақыҭанхамҩа аминистр Даур Ҭарба еиҭеиҳәеит Аԥсны агаҿаҟны аӡынтәи аԥсыӡкра амҩаԥысшьа атәы.

АҞӘА, ԥхынҷкәын 16 – Sputnik, Бадраҟ Аҩӡба. Аԥсны иахьаԥну агаҿаҟны аԥсыӡ акра ахышәа-ҵышәа 40 нызқь тонна инаркны 51 нызқь тонна рҟынӡа еиҳартәит иҳәеит Ақыҭанхамҩа аминистр Даур Ҭарба.

"Аминистрцәа Реилазаара иаднакылеит аӡбра аԥсыӡ акра аквота аганахьала. Аԥсны иахьаҵанакуа иҟоуп уахыкки-ҽнаки рыла шә-тоннак рҟынӡа аԥсыӡ аус адызулар зылшо анаплакқәа. Иара убасгьы имаҷым аԥсыӡ експорт ҳасабла Ҭырқәтәылаҟа изышьҭуа афирмақәагьы. Убри инадҳәаланы Аминистрцәа Реилазаара иаӡбеит аквота иаздырҳарц", — иҳәеит аминистр.

Даур Ҭарба агәыӷра ааирԥшуеит аԥсабаратә ҭагылазаашьақәа маншәалахап ҳәа.

"Аԥсыӡтә наплакқәа русура хра аманы иԥхьаӡоуп быжь-тоннак аԥсыӡ аус адулара инаркны. Аха ҳара урҭ фба-фба тонна рзоуҳашьҭит, иаанхаз еихаҳшеит хаҭалатәи анаплакыҩцәа рыбжьара", — иҳәеит Ҭарба.

Аԥсны Ақыҭанхамҩа аминистр Даур Ҭарба Sputnik Апсны иеиҭаз аинтервиу шәазыӡырҩыр ҟалоит абра

Атәыла аҩныҵҟа ахархәаразгьы ишьақәыргылоуп аквота ҷыда. Ари аквота ишьақәнартәон есышықәса 150-200 тонна.

Даур Ҭарба адырра ҟаиҵеит аҳамса акра макьаназы ишзаау. Ажәалагала иуит уи аамҭа ԥхынҷкәын анҵәамҭеи ажьырныҳәа алагаиҭеи раан ихацыркызарц.

Ажәабжьқәа зегьы
0