Гамсаниаԥҳа агендертә закәан иазкны: ҳара ҳҿы уи рхы иадырхәом

© Sputnik / Томас ТхайцукSputnik Аԥсны апресс-центр аҿы аҩаша, жәабран 14 рзы Апраламент адепутатцәа Емма Гамсаниаԥҳаи, Ахра Бжьаниеи, Ауаажәларратә палата амаӡаныҟәгаҩ Наҭелла Акаԥҳаи.
Sputnik Аԥсны апресс-центр аҿы аҩаша, жәабран 14 рзы Апраламент адепутатцәа Емма Гамсаниаԥҳаи, Ахра Бжьаниеи, Ауаажәларратә палата амаӡаныҟәгаҩ Наҭелла Акаԥҳаи. - Sputnik Аҧсны
Анапаҵаҩра
НовостиTelegram
Амчратә усбарҭақәа рҿы агендертә хаҭарнакреи, Апарламент аҿы аҳәса рзы аквотатә ҭыԥқәа ртәи ирылацәажәеит Sputnik Аԥсны апресс-центр аҿы аҩаша, жәабран 14 рзы Апраламент адепутатцәа Емма Гамсаниаԥҳаи, Ахра Бжьаниеи, Ауаажәларратә палата амаӡаныҟәгаҩ Наҭелла Акаԥҳаи.

АҞӘА, жәабран 14 — Sputnik, Бадри Есиава. Ареспублика ахадареи, еиуеиԥшым аусбарҭақәеи агендертә еиҟарара азы азакәан рхы иадырхәом, абри аҩыза агәаанагара лымоуп Жәлар Реизара адепутат Емма Гамсаниаԥҳа. 

"Ари азакәан рыдкылан 2008 шықәсазы, дагьацхрааит ахаҵа – Баҭал Кобахьиа, рызегь еицҿакрыла рыбжьы рҭиит. Азакәан даара ибзиоуп, европатәи астандартқәа ирықәшәоит, аха алкаақәа ҟаҳцозар иаҳбаратәы иҟоуп ахәҭаҷқәа зегьы аус шырымуа, атәыла ахадареи еиуеиԥшым аусбарҭақәеи рхы иадырхәом", — лҳәеит Гамсаниаԥҳа.

Ауаажәларратә палата амаӡаныҟәгаҩ Наҭелла Акаԥҳа аҳәса рзы аквотатә ҭыԥқәа Апарламент аҿы рыҟаҵара иазку атема актуалра амоуп, аха ауаажәларра ари азҵаара уамак иазҿлымҳам.

"Ари азакәан "Аԥсны аҳәсақәа Рассоциациа" иаԥшьгамҭан, аха ибзианы аус ауам, избанзар иахәҭаз актқәа алагаламызт. Аквотақәа ртәы ҳҳәозар, ари азҵаара алацәажәара аҭахуп, сара сақәшаҳаҭым аквотақәа рымацара Апарламент аҿы рыҟаҵара", — ҳәа лҳәеит Акаԥҳа.

Лара иазгәалҭеит, уахь инеиуа аҳәса ирылшароуп рхатәы зинқәеи, аҭаацәеи ахәыҷқәеи рзинқәеи рахьчара ҳәа.

Акандидат инарҵауланы дырзааҭгылозар ауп адемографиеи, аҵареи, амедицинеи, ҳәа азылԥхьаӡоит Акаԥҳа.

Жәлар Реизара адепутат Ахра Бжьаниа иазгәеиҭоит, аԥсуа культураҿы аԥҳәыс лроль есымша ишыҳаракыз, имаҷым аҿырԥштәқәагьы аҳәса ирыбзоураны аҳәынҭқарра ашьақәгылараҿи, аҵараҿи, анаукаҿи акыр азҵазкуа ароль шынарыгӡахьо.

"Аилкаара, ари ахацәа заҵәык рыпроблема акәӡам, аилазаара зегьы аҵанакуеит", — иҳәеит Бжьаниа.

Иара иазгәеиҭеит, Жәлар Реизарахь алхрақәа рхы рыладырхәыр шырҭаху 8-ҩык аҳәса.

Ажәабжьқәа зегьы
0