АҞӘА, мшаԥымза 13 – Sputnik. Николас Мадуро ахашаҽны аҳәамҭа ҟаиҵеит ақалақь Сан-Феликс ахь ицараан "Сымҩа акра рҽазыҟаҵаны иҟан" ҳәа. Абри атәы аанацҳауеит РИА Новости, апортал Universal адыррақәа шьаҭас
иҟаҵаны. Аҿагылара мҩаԥызгоз Мадуро имашьына ирымԥыхьашәоз агәыдҵо иганахь ала ҿҭыӡәӡәаала ирбалак рҳәон.
"Џьоукы еилагеит уҳәартә иҟоуп. Сымҩа ркит ааха сырҭарц. Аха ажәлар уи дыдмыруит", — иҳәеит Мадуро.
Иара ҭабуп ҳәа реиҳәеит аҭагылазаашьа уадаҩ аан адгылара изҭаз ажәлар. Иара игәалаиршәеит Уго Чавес дахҳәаны аҳәынҭқарратә еиҭакра аҽазышәара 15 шықәса ахыҵрагьы.
"Уажәгьы дара роуп зегь зыршо. Уажәгьы рхықәкқәа рҽырымԥсахыц. Иара убри аан иҟоуп ажәлар усҟангьы уажәгьы уи алзмыршо", ҳәа азгәеиҭеит Венесуела Ахада.
Мшаԥымза 12 2002 шықәса рзы иалыршан Уго Чавес иахҳәара, аха ҩымш ааҵуаны иара идгылаҩцәа ирылдыршеит амчра рнапахьы архынҳәра.
