Инна Аҳашԥҳа: исҭахуп Аԥсуа радио абжьы адунеи иалаҵәарц

© Sputnik / Томас ТхайцукАпоетесса Инна Аҳашԥҳа
Апоетесса Инна Аҳашԥҳа - Sputnik Аҧсны
Мшаԥымза 30 рзы Аԥсуа радио 85 шықәса ахыҵуеит, убри инамаданы апоетесса Инна Аҳашԥҳа арадио иазкны лгәаанагареи лзеиӷьашьарақәеи ҳацеиҩылшеит.

Sputnik, Сырма Ашәԥҳа

Аԥсуа радио аԥсышәала ахьхьаҳәа ианцәажәа, аиаша шәасҳәап, сара адгьыл сықәгыламызшәа збеит убасҟан. Абрахь ажәҩанахь Анцәа сизааигәаны, аԥсшәа ахьырҳәо џьара снанагазшәа убас сеигәырӷьеит, ҳәа лҳәеит апоетесса Инна Аҳашԥҳа.

Аԥсуа жәлар иахьеи-уахеи иазыԥшуп аԥсуа ажәа, аԥсуа радио. Ажәҵарақәа ааԥынтәи амш ишазыԥшу еиԥш, доысы рыҩнаҭақәа рҿы ажәа назго, рҿахәы зҳәо, рхьаа зҳәо, ргәырӷьа мҩахызго ауп аԥсуа радио. Уи амч иамоу агәаԥхара, адоуҳа шәыцзааит есымша иазыӡырҩуа, амаҵ азызуа зегьы. Аԥсуа радио аусзуцәа шәыбжьы еицакра ақәымзааит. Аԥсны инхо аԥсуа жәлар ишҳаҳауа еиԥш, аԥсуа радио абжьы аҳәаанырцә инхо ҳашьцәа рҟынӡа инаӡо Анцәа иҳәааит. Аԥсуа радио абжьы асаркьал еиԥш еицакра ақәымзааит. 

Мшаԥымза 30 рзы Аԥсуа радио 85 шықәса ахыҵуеит - Sputnik Аҧсны
Ицәажәоит Аԥсуа радио: шьҭа 85 шықәса

Ҭоурыхла аԥсуа радио знысыз амҩа даараӡа иҭбаауп. Ажәа аҵакы закәу еилкаауп. Ишдыру еиԥш, Анцәа иҿы ажәа ауп раԥхьа иҟалаз. Уи ус машәырны иҳәамзар акәхап. "Ажәеи ашәеи еилаӡароуп, ажәа аныҟам ашәа нҵәароуп", ҳәа азгәеиҭеихьеит Баграт Шьынқәба. Уи еиҳаны аҳәара уадаҩуп, иаҳзымҳәозар акәхап.

Аҩнаҭаҿы, ажәа зегь раԥхьаӡа игылоу ауп, уи зҳәазҵам ауп, сара иҿыцу ҳәа акагьы сҳәаӡом. Аԥсуа радио ахыҵхырҭаҿы игылаз, аџьабаа адызбалахьо, аҭоурыхтә мҩа ианызгаз, иахьатәи амҩа ссир аҟынӡа иаазгаз, акыр рылша адуп, ҳажәлар рыгәқәа рҟынӡа ражәа наргеит.

Аамҭақәа зегьы рҿы иахәҭаз рҿахәы зларҳәаз ауп. Амассатә информациатә хархәагақәа рҿы арадио аҵакы даара иҳаракны сахәаԥшуеит. Аԥсышәала ахьхьаҳәа, ҳхатәы бызшәала ҳаҩнаҭақәа рҿы абжьы гоит. Уи еиҳау иарбан гәырӷьароу иҟоу?!

Сара ибзиаӡаны исгәалашәоит, быжь-класск рҿы сантәаз, арадио аҩны иаҳзаархәеит. Ԥақәашь ҳара ахаҩаӡара ҳанхон, ацәаҳәа ыҟамызт, сашьа  дсеиҳабын, иара хәыҷык арадио амаҵушьақәа, ахархәашьақәа идырбеит. Нас, арадио аԥсышәала ахьхьаҳәа ианцәажәа, аиаша шәасҳәап, сара  адгьыл сықәгыламызшәа збеит убасҟан.

Абрахь ажәҩанахь Анцәа сизааигәаны, аԥсшәа ахьырҳәо џьара снанагазшәа убас сеигәырӷьеит. Уи сара схәыҷра иадҳәалоуп, ахааназы исхашҭуам раԥхьаӡа акәны арадио абжьы ансаҳа. Имҩаннаго ажәабжьқәа аԥсуаа рзы аҵак дуӡӡа змоу акоуп. Арадио сынтәа иахыҵыз ашықәс, аԥсуа иқәра иҭагӡаны ҳахәаԥшуазар, шықәсы рацәамзар акәхап. Аха, 85 шықәса имҩаннагахьо аидара акырӡа ыҟоуп, ҳҿахәы даара иаҳәахьеит.

Кавказ ажәларқәа ирызкыу ажурнал - Sputnik Аҧсны
Кавказ ажәларқәа ирызкыз раԥхьатәи ажурнал

Ҳџьынџьтәылатә еибашьра дуӡӡа мацара аан ҳара иаҳхаҳгоз сгәалашәоит, амашьына аккумолиаторқәа ҳәа изышьҭоу ҭганы иааганы, афымца ыҟаӡамызт усгьы, убарҭ ирҿакны, аҳәынҵәа ҳалатәаны, аҷкәынцәа ахырӷәӷәарҭақәа рҿы иахьыҟаз аума, зегьы ҳлымҳа кыдҵаны ҳазыӡырҩуан. Усҟантәи аамҭазы арадио инанагӡаз ароль ателехәаԥшрагьы иазынамыгӡаӡеит, ашәҟәгьы иазынамыгӡаӡеит.

Агәаҟратә ҭагылазаашьақәа раан, агәырӷьарақәа рҟынгьы, даара ҳзырԥрыз, ажәҩан ҳалазҵаз акакәны сахәаԥшуеит. 

Сара исҭахәуп арадио абжьы, хымԥада ҳдиаспора ахьынхозаалак ираҳаларц. Аԥсыуак зегь реиҳа хьаас иумоузеи?, ҳәа ианиазҵаауа, сыбжа абаҟоу ҳәа дҵаалароуп. Ҳазбжак ауп Аԥсны иҟоу. Ҭырқәтәылантәи аԥсышәала ицәажәоз данызбаз, сара сыстудентын.  

Ашкол санҭаз рыӡбахә саҳахьан, аха аҳҭнықалақь ахь санааи, иреиҳау аҵараиурҭа санҭала, актәи акурс сантәаз, Ҭырқәтәылантәи аԥсуаа ааны иҟоуп анырҳәа, ҳаннеи, исгәалашәоит Шьинааси ҳәа Ҭраԥшь, аԥсышәала дцәажәо ансаҳа, аиаша шәасҳәоит мышқәак аҵәыуара саҿын.

Анцәа иџьшьаны, уи аҩыза аҭагылазаашьа ҳамаӡам иахьа, ҳаибабоит, ҳаиԥылоит, ҳаицәажәоит. Аԥсҭазаара ахаҭа иҳанаҳәо аамҭа амаа аанаҳкылароуп. Аԥсуа дахьыҟазаалакгьы даԥсыуоуп, ишьа аус ауеит, ида аус ауеит, иҟазшьа иҟазшьоуп, ицәаҩа ицәаҩоуп. 

Аԥсуа радио аҟны ҷыдала аус ауеит ҳџьынџьуаа ирызку адырраҭара "Аԥсадгььыл Абжьы". Ауаҩытәыҩса егьа бызшәақәа идыруазаргьы, даныԥсуа, иара ибызшәа заҵәык аҟны дынхоит рҳәоит. Сара исҭахуп Аԥсуа радио абжьы адунеи иалаҵәарц!

Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа