Иуникалтәу Шьынқәба ифотосахьақәа цәыргақәҵоуп

© Sputnik / Томас ТхайцукИуникалтәу Шьынқәба ифотосахьақәа цәыргақәҵоуп
Иуникалтәу Шьынқәба ифотосахьақәа цәыргақәҵоуп - Sputnik Аҧсны
Аԥсны иазгәарҭоит Баграт Шьынқәба диижьҭеи 100-шықәса аҵра иазку аныҳәамш.

АҞӘА, лаҵарамза 12 — Sputnik, Амра Амҷԥҳа. Уаанӡа ицәыргамыз, аҭаацәаратә архив аҟынтәи 100 инареиҳаны фотосахьа цәыргақәҵан иахьа Ацентртә цәыргақәҵатә зал аҟны. Абри атәы ҳзаалыцҳаит Аԥсны Акультура аминистр Ельвира Арсалиаԥҳа.

"Ацәыргақәҵа фымз инарзынаԥшуа ҳҽазыҟаҳҵон. Аҭаацәаратә архив аҟынтәи ацәыргақәҵа аҭааҩцәа ирыдаагалоит иуникалтәу афотосахьақәа. Урҭ актәи азал аҟны иҟоуп, аҩбатәи азал аҟны иҟоуп асахьаҭыхыҩцәа Оҭар Мацхарашвили, Баҭал Џьапуа, Ҭемыр Ҟаитан Баграт Шьынқәба ирҿиамҭақәа рмотивқәа рыла иаздырхиаз аусумҭақәа", — лҳәеит лара.

Апоет имоҭа Леуан Миқаа ҭабуп ҳәа реиҳәеит ацәыргақәҵа еиҿызкааз аминистрреи асахьаҭыхыҩ Баҭал Џьапуеи.

Баграта Шьынқәба ибарельеф дахьынхоз аҩнаҿы икыдырҵеит - Sputnik Аҧсны
Баграта Шьынқәба ибарелиеф дахьынхоз аҩнаҿы икыдырҵеит

Архивтә фотосахьақәа хацыркуп баграт Шьынқәба ишколтә шықәсқәа инадыркны. Урҭ руак аҿы иубоит Џьгьардатәи ашкол данҭаз иҭыхыз афотосахьа, аҽаџьара дыстудентны дубоит. Иҟоуп иаҳәшьцәеи иареи рфотосахьақәа, иҭаацәа рыгәҭа дтәаны, ихшара Бианеи Бинури идкыланы дахьыҟоу. Баграти иҩызцәа ашәҟәыҩҩцәа: Александр Твардовски, Константин Симонов, Расул Гамзатов, Михаил Шолохов уҳәа реиԥыларақәа зныԥшуа афотосахьақәа маҷым.

Аҭааҩцәа ҿарацәа азааҭгылан иахәаԥшуан Баграт Шьынқәбеи Аҩадатәи Виетнам апрезидент Хо Ши Мини рфотосахьа, Баграт Шьынқәбеи Куба анапхгаҩы Фидель Кастрои ЦК КПСС актәи амаӡаныҟәгаҩ Никита Хрушьчиови рфотосахьа.

Ацәыргақәҵаҟны иӡырган Баграт Шьынқәба ирҿиамҭақәа х-томкны ҿыц иҭыжьу. Ашәҟәы еиднакылоит ажәеинраалақәа, апоемақәа, абалладақәа, ажәабжьқәа, ароманқәа.

Ацәыргақәҵа иаҭааит Аԥсны Ахада Рауль Ҳаџьымбеи Аԥыза-министр Беслан Барцыци. Ацәыргақәҵа аус ауеит аҽа жәамш.

Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа