АҞӘА, лаҵарамза 29 — Sputnik. Америкеи Урыстәылеи реизыҟазаашьақәа ҭышәынзыртәало акакәны иҟалар алшоит абизнес, иҳәеит Еиду Америкатәи аштатқәа рҟны Урыстәылатәи Афедерациа ахәаахәҭратә хаҭарнак Александр Стадник. Абри атәы аанацҳауеит РИА Новости.
"Атәылақәа рыҩба рбизнес-еилазаара ракәзар есааира еиздырҳауеит абизнес проектқәа. Сгәаанагарала абизнес иалшоит атәылақәа рыҩба рыбжьара цҳаны иҟаларц, егьырҭ азҵаарақәа рганахь алагьы ацивилизациатә еизыҟазаашьақәа рахь ҳкылгара", — иҳәеит Стадник.
Иара убри аан аизыҟазаашьақәа бзиоуп ҳәа уҳәартә еиԥш иахьатәи аамҭазы иҟам.
Ахәаахәҭратә хаҭарнак иҳәеит абизнес аганахь ала атәылақәа рыбжьара аиҿцәажәарақәа ԥымкымхацт.
