Sputnik, Владимир Бегунов
Ахра Абыхәба иажәақәа рыла акарате астиль рацәа Афедерациа аԥҵоуп, избанзар ас еиԥш иҟоу Афедерациақәа аԥҵоуп Урыстәыла, ИАР атәылақәа иара убасгьы аҳәынҭқаррақәа жәпак рыҟны. Иаԥҵахараны иҟоуп азеиԥшстильтә карате азы жәларбжьаратәи абиуро. Аԥсны иара абираҟ иаҵагыланы иқәгыларц азы иамазароуп ахатәы Федерациа убри абиуро иалалартә еиԥш.
"Уажәы ҳара Аԥсны абираҟ ҳаҵагыланы Урыстәылатәи аринг ахь ҳнеиуеит, аха аицлабра дуқәа ҳазрылахәхаӡом", — иҳәеит Абыхәба.
Абри ауп иахьазы ипроблеманы иҟоу.
"Аԥаразоужьра ҳәарада акыр имаџьаноуп. Уи адагьы аԥсуа спортсменцәа Мексика, Ҭырқәтәыла, Куба ишьахәны ианықәгыла, ақырҭуа ган аԥынгылақәа ҳарҭо иалагеит", — иҳәеит иара.
Азыҟаҵаҩ иажәақәа рыла иаадыртраны иҟоу карате азеиԥшхк Абиуро еиуеиԥшым атәылақәа еиднакылоит. Иаарласны иазыԥхьагәаҭоуп актәи атурнир амҩаԥгарагьы. Иара мҩаԥысраны иҟоуп Италиа ма Болгариа. Уи азҵаара макьана иӡбам.
