Акциа "Бежим со смыслом" еизнагеит 250 000 мааҭ

© Sputnik / Томас ТхайцукАкциа "Бежим со смыслом" еизнагеит 250 000 мааҭ
Акциа Бежим со смыслом еизнагеит 250 000 мааҭ - Sputnik Аҧсны
Анапаҵаҩра
НовостиTelegram
Sputnik Аԥсны паресс-центр аҿы акциа "Бежим со смыслом" аиҿкааҩцәа аихшьаалақәа ҟарҵеит.

АҞӘА, ԥхынгәы 25 – Sputnik, Бадраҟ Аҩӡба. Акциа "Бежим со смыслом" рҽаладырхәит 323-ҩык, иара еизнагеит 250 000 мааҭ иҳәеит агәыҳалалратә еиҿкаара "Агәыҳалалра Ацҳаражәҳәаҩцәа" анагӡаратә директор Даур Барганџьиа апресс-конференциаҟны.

"Ауснагӡатә ҳшақәгәыӷуаз аасҭагьы иманшәаланы имҩаԥысит. Ақәоура иахҟьаны алагара аамҭа сааҭк аҟара анахара ҳақәшәеит, аха инеиз акыр ирацәаҩуп. Еизгоу аԥарақәа афонд "Ашана" иахаҳаԥхьаӡалеит", — иҳәеит Барганџьиа.

Иара иажәақәа рыла 400-ҩык рҟынӡа рхы аладырхәраны иҟан, аха амшцәгьа иахҟьаны рхыԥхьаӡара маҷк илаҟәит.

Аклуб "Sport Apsny" администратор Карина Цыкәтаниаԥҳа илҳәеит аханатә х-етапкны аҩра шаԥшьгаз.

Sputnik Аԥсны паресс-центр аҿы акциа Бежим со смыслом аиҿкааҩцәа аихшьаалақәа ҟарҵеит. - Sputnik Аҧсны
Ҭаниа: хықәкы хаданы иҳамаз ауаа рацәа злахәу агәыҳалалратә акциа амҩаԥгара акәын

"6 — 8 шықәса зхыҵуа рзы – 500 метра, 9 — 12 шықәса зхыҵуа рзы –километрак, 13 — 18 – х-километрак. 18 шықәса еиҳаны изхыҵуа рзы 3, 5 километреи 10 километреи", — лҳәоит лара.

Онлаин иҭаҩын 65-ҩык ахәыҷқәеи 222-ҩык адуцәеи.

Ауснагӡатә иалахәын имаҷҩымкәа Аԥсны еицырдыруа ауаа: аиҳабыра алахәылацәа, адепутатцәа, Агәыҳалалра Ацҳаражәҳәаҩцәа Денис Царгәыши Лера Адлеиаԥҳаи.

Аинформациаитә маҵзуреи арадиои Sputnik Аԥсны акциа информациатә партниорны иазыҟан. Иара аусзуҩцәа рҟынтәи хәҩык акциа иалахәын. Иреиӷьу алҵшәақәа аалырԥшит апресс-маӡаныҟәгаҩ Милана Возԥҳа. Лара х-километрак аҩраҿы аҩбатәи аҭыԥ аанылкылеит.

300-ҩык инарзынаԥшуа рхы аладырхәит агәыҳалалратә еиԥхныҩра "Бежим со смыслом".акциа еиҿыркааит Аԥсны "Агәыҳалалра Ацҳаражәҳәаҩцәа", урҭ партниорцәаны ироуит Аҟәа ақалақь Ахадара, аспорттә клуб "Sport Apsny", Аҟәа ақалақь Ахадара аҿар рызҵаарақәа рзы аҟәша.

Ажәабжьқәа зегьы
0