Ҳашыг Москватәи аиԥылара иазкны: аибашьра алагамҭаз аҭагылазаашьа уадаҩын

© Sputnik / Томас ТхайцукРуслан Хашиг
Руслан Хашиг - Sputnik Аҧсны
Анапаҵаҩра
НовостиTelegram
Аԥсны ажурналистцәа реидгыла ахантәаҩы Руслан Ҳашыг Sputnik Аԥсны иеиҭаз аинтервиу аҿы дазааҭгылеит цәыббра 3, 1992 шықәсазы Москватәи аиҿцәажәарақәа шцоз атәы.

АҞӘА, цәыббра 3 – Sputnik, Бадраҟ Аҩӡба. Цәыббра 3 рзы Аԥсни Қырҭтәылеи рыбжьара Москватәи аиҿцәажәарақәа анымҩаԥысуаз аҭагылазаашьа даара иуадаҩын, иҳәеит ари ахҭыс иалахәыз, Аԥсны ажурналистцәа реидгыла ахантәаҩы Руслан Ҳашыг.

Аԥсны Аџьынџьтәылатә еибашьра аналага ашьҭахь иӡбан Аԥсни Қырҭтәылеи рхадацәа Урыстәыла абжьаҟазарала реиԥылара амҩаԥгара.

"Хымԥада зегь раасҭа иуадаҩыз аамҭа акәын, аибашьра мызкы ахымҵӡацызт, аҳҭнықалақь ааныжьны Аԥсны аиҳарак аӷа инапаҿы иааганы ианыҟаз акәын. Аҭагылазаашьа даара иуадаҩын, аибашьра афронт аҟны еиԥш, иара убас ауаажәлар рыҩнуҵаҟа", — иҳәеит Ҳашыг.

Москватәи аиҿцәажәарақәа рыламҭалазы, нанҳәа анҵәамҭазы ақырҭқәа ртанкқәа Гәымсҭа аӡы ирны, Ешыра ақыҭа иналало инеихьан, азгәеиҭеит уи.

"Усҟан Аԥсны ахьчацәа иаадырԥшыз афырхаҵара иабзоураны, ақәылаҩцәа рышьҭахьҟа игьежьит, аха аҭагылазаашьа уадаҩын. Адунеи аполитика иадҳәалаз зегьы, Москва иацклаԥшуан, избан акәзар иааԥшыр акәын Урыстәыла иалшо", — иҳәеит Ҳашыг.

Руслан Хашиг - Sputnik Аҧсны
Руслан Ҳашыг: ажәа ахақәиҭра амамзар - изыҟалаӡом ажурналистика

Ари амш азы имҩаԥысуаз аҭоурыхтә хҭыс ажәлар ииашаны еилыркаар азы, аԥыза ирымаз ажәлар ринтерес шихьчоз рбаразы, аиԥылара зкьыԥхьуаз, иҭазыҩуаз Урыстәыла адәныҟатәи аусқәа рминистрра аусзуаҩ, гәыԥҩык ыҟан, игәалаиршәеит уи.

Уи иазгәеиҭеит, аиԥылара аҟнытәи астенограмма Аԥснытәи еицыз аделегациа ишрылҭаз Урыстәыла адәныҟатәи аусқәа рминистрраҿы аус зуаз аӡәы.

"Абри лмаҵуратә уалԥшьа еилаганы, ҳара хаҭала ҳанлыдҵаала, аҳәара аныҟаҳҵа аиҳабы ихьӡ ала, илҳәеит аиԥылара астенограмма ҳаҭара дшақәиҭым, аха уи иазгәалҭеит: "сыззыӡырҩыз шәеиҳабы шәыжәлари, шәҳәынҭқарреи ринтересқәа шихьчоз еилаҳкааит, ҳатәнатәит, абри сеигәырӷьаны ишәысҭоит".

Уи аиԥылара астенограмма ҩ-екземлиарк Руслан Ҳашыг илҭеит.

"Актәи ҳаиҳабы исҭеит, аҩбатәи иахьа уажәраанӡа сара сҟны иҟоуп. Ҳиааирақәа убас ирылагон, Владислав Григори-иԥа раԥхьаӡа иргыланы аполитикцәа инарҷыданы, ауаа деилыркааит. Ауаҩы абзиа данашьҭоу, ихазы акәымкәа ижәлар рзы аџьабаа анибо иаӷоугьы дихаҵгыло, деиликаауа, иара иҭагылазаашьа дазхәыцуа аҿынӡа даннеига, убри ауп аҟазара", — иҳәеит Ҳашыг.

Руслан Ҳашыг иазгәеиҭеит Москватәи аиҿцәажәарақәа рылҵшәақәа бзиахарц азы акыр аџьабаа рбеит Нхыҵ-Кавказтәи ареспубликақәа рхаҭарнакцәа.

Ажәабжьқәа зегьы
0