АҞӘА, ԥхынҷкәын 4 — Sputnik. Еиду Америкатәи Аштатқәа Барак Обама Иусбарҭа адгылара зырҭаз 2016 шықәсазтәи Амиграциазы Ниу-Иорктәи адекларациа инақәыршәаны 2018 шықәса рзы ирыдыркылараны иҟоу ахҵәацәеи амигрантцәеи массала рынеиҭаҵ-ааиҭаҵра апроблема аҭышәныртәаларазы Аиқәшаҳаҭра иалҵуеит. Абри атәы аанацҳауеит РИА Новости.
"Иахьа, ООН иҟоу США Ахаҭарнакра ООН Амаӡаныҟәгаҩ хада адырра инаҭеит Еиду Америкатәи Аштатқәа Барак Обама Иусбарҭа адгылара зырҭаз 2016 шықәсазтәи Амиграциазы Ниу-Иорктәи адекларациа инақәыршәаны 2018 шықәса рзы ирыдыркылараны иҟоу ахҵәацәеи амигрантцәеи массала рынеиҭаҵ-ааиҭаҵра апроблема аҭышәныртәаларазы Аиқәшаҳаҭра иалҵуеит ҳәа" аанацҳауеит ООН иҟоу США Ахаҭарнакра.
2016 шықәса рзы Барак Обама Иусбарҭа Ниу-Иорктәи Адекларациа ахы аланархәит.
"Адекларациа аԥҟарақәа жәпакы США аполитика иақәшәом, иара убасгьы Трамп Иусбарҭа апринципқәагьы ирықәшәом" ҳәа аҳәоит адокумент аҟны.
ООН иҟоу США Ахаҭарнак Никки Хеили иажәақәа рыла "амигрантцәеи ахҵәацәеи рпроблема аӡбра аганахь ала США иҟанаҵахьоу аҽа тәылак иҟанамҵац".
