Аԥсны АҶА: амцаҽацәыхьчаратә системақәа рықәыргылара алицензиа аҭахуп

© Sputnik Бадри Есиава Пресс-конференция МЧС
Пресс-конференция МЧС - Sputnik Аҧсны
Анапаҵаҩра
Аԥсны Аҭагылазаашьа ҷыдақәа рзы аминистрра анапхгара апресс-конференциа мҩаԥыргеит аӡын аамҭа аҽазыҟаҵара иазкны.

АҞӘА, ԥхынҷкәын 12 – Sputnik, Бадри Есиава. Аԥсны Аҭагылазаашьа ҷыдақәа рзы аминистрра анапхгара апресс-конференциа мҩаԥыргеит аӡын аамҭа аҽазыҟаҵара иазкны.

"Сынтәа Аминистрцәа Реилазаараҟны ирыдыркылеит аӡбра амцаҽацәыхьчаратә системақәа рықәыргылара алицензиа аҭаразы. Ҳаар апрактикаҟны иаҳԥылоит аобиект ҿыц аргылараан асигнализациа идырым фирмак ианышьақәнаргыло, иара убри аан АҶА аусзуҩцәа аламырхәӡакәа. Урҭ ҳара хымԥада адырра ҳарҭалароуп", — иҳәеит Кәыҵниа.

Работа МЧС Абхазии - Sputnik Аҧсны
АҶА: аӡынтәи аамҭазы амцакрақәа ашәарҭадара атехника ақәымныҟәара иахҟьоит

Аминистр иажәақәа рыла амцарцәагатә системақәа асигнализациатә системақәеи рықәыргылара знапы ианырҵаша алицензиа змоу аиҿкаарақәа рымацара роуп. Алицензиа аиуразы аусура мҩаԥызго аиҿкаара иахәҭоу адҵақәа рҭак иақәшәозароуп.

"Аиҿкаара мамзаргьы хаҭалатәи аилахәыра аусзуҩцәа атехникатә ҵара шрымоу азы адипломқәа ишьақәдырӷәӷәозароуп. Уи адагьы дара аус здырулаз аобиект ԥхьаҟагьы аҭагылазаашьа иахылаԥшыша дара роуп", — иҳәеит аминистр.

Иахьатәи амш азы алицензиа зҭоу х-фирмак роуп. Иахьатәи аамҭазы амцакратә шәарҭадара аилагаразы аштраф иартәоит 300 мааҭ ахатәхаҿқәа рзы, 600 мааҭ аиурист хаҿқәа рзы.

Кәыҵниа иазгәеиҭеит 2018 шықәса рзы уи еиҳатәтәхар ҟалоит ҳәа.

Ажәабжьқәа зегьы
0