АҞӘА, ԥхынҷкәын 20— Sputnik, Бадраҟ Аҩӡба, Амра Амҷԥҳа. Аԥсны Ахада Рауль Ҳаџьымба Аԥсны Жәлар реизара – Апарламент ахь есышықәсатәи анашьҭымҭа ҟаиҵеит.
2018 шықәса рзы ақыҭанхамҩатә техника аахәара иазоужьуп 200 миллион мааҭ иҳәеит Рауль Ҳаџьымба иқәгылараан.
"Урыстәылатәи Афедерациеи ҳареиҳаицәажәарала ҷыдала 200 миллион мааҭ ҳзоужьхоит ақыҭанхамҩатә техника ҷыда аахәаразы. Уи иалнаршароуп иаарласны ақыҭанхамҩа аалыҵ хаҭабзиарала аизырҳара" — иҳәеит Рауль Ҳаџьымба.
Сынтәазы аҳәынҭқарра иалнаршеит абиуџьеттә малқәа рыла ааԥынтәи ацәаӷәарақәа рымҩаԥгара, ақыҭанхамҩа ааглыхыҩцәақәак акредитқәа рыҭара, ақыҭақәа рҟны аӡымҩангагақәа реиҭашьақәыргылара, амҩақәа аремонт рзура. Абас ишыҟоугьы ацхыраара ахышәа-ҵышәа иалнаршом ақыҭа ишахәҭоу еиԥш аҿиара аҭара иҳәеит атәыла Ахада.
Ҽааназы амармалташь пты иаҿагыланы ақәԥара иазоужьхараны иҟоуп 10 миллион мааҭ аԥара.
Атәыла Ахада иара убасгьы иҳәеит анапхгаратә кадырқәа резерв аԥҵара шхымԥадатәиу. Иара атәыла аиҳабыра рнапы ианиҵеит атуристтә усхк хылаԥшра аҭареи иара аҿиаразы ажәалагалақәа разырхиареи.
Ари, Аԥсны Ахада Апарламент ахь аҩбатәи инашьҭымҭоуп. Актәи инашьҭымҭаан, 2016 шықәса рзы.
Ауснагӡатә амҩаԥысра иалахәуп: адепутатцәа, аминистррақәа рхадацәа, араионқәеи ақалақьқәеи реиҳабацәа, араионтәи ақалақьтәи еизарақәа рхаҭарнакцәа.
