Даур Ақаҩбеи Алексеи Двинианини еиԥылеит

Министр иностранных дел Республики Абхазия Даур Кове встретился с замглавы российской делегации на Женевских дискуссиях по безопасности и стабильности в Закавказье Алексеем Двиняниным
Министр иностранных дел Республики Абхазия Даур Кове встретился с замглавы российской делегации на Женевских дискуссиях по безопасности и стабильности в Закавказье Алексеем Двиняниным - Sputnik Аҧсны
Анапаҵаҩра
НовостиTelegram
Аԥсны Адәныҟатәи аусқәа рминистр Даур Ақаҩба дидикылеит Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа рҿы урыстәылатәи аделегациа аиҳабы ихаҭыԥуаҩ Алексеи Двинианин.

АҞӘА, хәажәкыра 2 – Sputnik. Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа рҿы урыстәылатәи аделегациа аиҳабы ихаҭыԥуаҩ Алексеи Двинианин адгылара аиҭеит амилаҭтә документқәа рыла адунеи ахы-аҵыхәа аиҭанеиааиразы Аԥсны атәылауаа рҽазышәарақәа. Абри атәы аҳәоит Аԥсны Адәныҟатәи аусқәа рминистрра асаит.

"Урыстәылатәи аган адгылара анаҭоит амилаҭтә документқәа рыла рхы иақәиҭны адунеи ахы-аҵыхәа аиҭанеиааиразы Аԥсны атәылауаа рҽазышәарақәа, жәларбжьаратәи азин анормақәеи апринципқәеи ирықәыршәаны жәларбжьаратәи аиҿкаарақәа рҿаԥхьа ақәгылара", — иҳәеит Алексеи Двинианин.

Аиԥылараҿы иара убасгьы иалацәажәан Женеватәи аиҿцәажәарақәа рҭагылазаашьеи ԥхьаҟатәи рԥеиԥш ҳәа ирбоуи.

"Ҷыдала иазааҭгылан Қарҭ имҩаԥнаго, иҵоурам аполитика. Уи Женева амч ахамырхәаразы адокумент анапаҵаҩра мап ахьацәнакуа абри ганрацәалатәи аформат ԥхьаҟатәи аусура иаԥырхагоуп. Қырҭтәыла НАТО алалара аҽахьазнашәогьы Аахыҵ Кавказ ашәарҭадара ҵнашәаауеит, арегион аҟны аибарххарахь икылнагоит", — ҳәа аҳәоит аофициалтә саит аҟны.

Даур Ақаҩбеи Алексеи Двинианини инаҵшьны иазгәарҭеит аиҿцәажәарақәа рформат ақырҭуа ган иадыргало аполитикатә шьаҭа аҭыԥ амамзароуп ҳәа.

Аиԥылара мҩаԥысит аиҩызаратә ҟазшьа аманы.

Ажәабжьқәа зегьы
0