"Алхыҩцәа рыклуб" Урыстәыла Ахада иалхрақәа рзы

© Sputnik Анжелика БенияКруглый стол "Клуб избирателей"
Круглый стол Клуб избирателей - Sputnik Аҧсны
Анапаҵаҩра
Урыстәыла Ахада иалхра мҩаԥысуеит 2018 шықәса хәажәкыра 18 рзы. Аԥсны иаартуп алхырҭатә ҭыԥқәа 20.

АҞӘА, хәажәкыра 7 – Sputnik, Амра Амҷԥҳа. Урыстәыла Ахада иалхра мҩаԥысуеит 2018 шықәса хәажәкыра 18 рзы. Уи азы Аԥсны иаартуп алхырҭатә ҭыԥқәа 20. Изҭаху, Урыстәыла атәылауҩра змоу ирылшоит абжьыҭира абри амш аҽны. Зыҿҳәара иахыԥахьоу атәылауаҩшәҟәқәа рыла абжьыҭира алшоит алхрақәа рымш аҽны. Абри атәы "Алхыҩцәа рыклуб" аилацәажәараҟны иҳәеит Россотрудничество аконсультант Дмитри Кононов.

Президент Республики Абхазия Рауль Хаджимба провел совещание по оказанию содействия в подготовке к выборам Президента Российской Федерации в марте 2018 - Sputnik Аҧсны
Ҳаџьымба: Урыстәыла Ахада иалхра аҽазыҟаҵара бзиа аҭахуп

"Дасу илшоит дахьынхо аҭыԥ ааигәара иҟоу алхырҭатә ҭыԥ аҿы абжьыҭира", — иҳәеит Кононов.

Алхыҩцәа рыклуб алахәыла Надежда Горианова иазгәалҭеит ақыҭа ауааԥсыра алхрақәа рзы аинформациа роур шалшо аҭыԥ аҟны, алхратә ҭыԥқәа рҿы икыдырҵо аинформациатә материал аҟынтәи.

"Ауаҩы аинформациа даԥхьоит. Еиликаауеит еиҳа иара иҭыӡҭыԥ иазааигәо алхырҭатә ҭыԥ ахьыҟоу, ишиманшәало. Аинформациатә материал кыдырҵар бзиоуп ақыҭатә дәқьанқәа рҟны. Иҟоуп изҳәо зыҿҳәара цахьоу атәылауаҩшәҟәы ала абжьыҭира ҟалом ҳәа. Ауаа идырдыртәуп абжьыҭира шалшо зыҿҳәара цахьоу атәылауаҩшәҟәы алагьы. Аҿаргьы рҭаацәа ирзеиҭарҳәар бзиоуп абжьыҭира шымҩаԥгатәу, ианыҟало уҳәа ртәы", — лҳәеит лара.

Россотрудничество аонсультант Дмитри Кононов иазгәеиҭеит абжьыҭирахь анеира анбаҟало ҳәа азҵаарақәа шцәырҵуа.

"Апрактика ишаҳнарбахьоу ала аиҳараҩык шьыжьнаҵы инеины рыбжьы рҭиуеит, нас русқәа ирылагоит. Ус иззыманшәалоу шыҟоугьы амш ахы-аҵыхәа иҭагӡаны унеир алшоит алхырҭатә ҭыԥ ахь. Абасеиԥш аан агәаранқәа аԥҵахаӡом" — иҳәеит иара.

Начался сбор подписей в поддержку выдвижения В. Путина на президентских выборах - Sputnik Аҧсны
Аԥснытәи алхыҩцәа акандидатцәа ирԥылар рҭахуп

"Алхыҩцәа рыклуб" алахәыла Вадим Голубничи иҳәеит Аԥсны Ахада иалхраан аиҳабыратә абиԥара рацәак активла абжьыҭирахь ишымнеиуаз.

"Зықәра неихьоу ауаҩы ицәыуадаҩуп абжьыҭира анеира. Иҟалоит амш цәгьахар. Уажәы ауаа рныҟәгаразы атранспорт ахьазыԥхьагәаҭоу акыр иарманшәалоит ауаа рнеира" — иҳәеит Голубничи.

Дмитри Кононов иазгәеиҭеит абжьыҭиҩы иҟаиҵо адыррала атранспорт изынашьҭны алхырҭатә ҭыԥ ахь дышнарго. Кононов иҳәеит хәажәкыра 13 асааҭ 14:00 рзы ААУ аҟны ишымҩаԥысуа "Алхыҩцәа рклуб" алахәылацәа рԥылара.

Ажәабжьқәа зегьы
0