Аҽыбӷаҟаза Иури Бараҭелиа иԥсы ҭазҭгьы 80 шықәса ихыҵуан

© Фото : из личного архива Юрия БарателияЮрий Барателия во время соревнований
Юрий Барателия во время соревнований - Sputnik Аҧсны
Анапаҵаҩра
Yandex newsTelegram
Аҽыбӷаҟаза Иури Бараҭелиа – Аԥсны зҽаԥсазтәыз азыҟаҵаҩ ҳәа ахьӡ ихҵоуп, ианашьоуп аорден "Ахьӡ-Аԥша" III аҩаӡара.

АҞӘА, хәажәкыра 10 – Sputnik, Бадраҟ Аҩӡба. Аԥсны зҽаԥсазтәыз азыҟаҵаҩ, аҽыбӷаҟазаразы СССР аспорт азҟаза Иури Бараҭелиа диижьҭеи 80 шықәса ҵит.

"Иури Бараҭелиа зыхьӡи зыжәлеи еидкыланы ирҳәо, анамыси апатуи, ачеиџьыкеи ауаҩреи згымыз аӡә иакәын. Уи иааԥсара ӷәӷәоуп Аԥсны аҽыбӷаҟазара арҿиара арҿиара аус аҟны", — иҳәеит Аԥсны аҽтәы спорт Афедерациа апрезидент Аслан Камлиа.

Уи иажәақәа рыла дызхагылоу афедерациа аҟны ажәалагала ҟаиҵарц игәы иҭоуп Иури Багаҭелиа игәалашәара иазку аҽырхәмарратә еицлабра аиҿкааразы.

"Иара акыр дыззааԥсаз аҽыбӷаҟазара иахәҭаку конкур аганахь ала абас еиԥш иҟоу аицлабрақәа рымҩаԥгара ҳгәы иҭоуп, избанзар Иури Бараҭелиа илиршаз даараӡа ирацәоуп", — иҳәеит Камлиа.

Иури Бараҭелиа – Аԥсны зҽаԥсазтәыз азы ҟаҵаҩ, аҽыбӷаҟазаразы СССР аспорт азҟаза. Аҟәатәи апедагогикатә институт даналга, аус иуан Тамшьтәи абжьаратә школ аҟны абҩарҵәыра арҵаҩыс, аҽыбӷаҟазара дазҿлымҳан. 1967 шықәсазы ахԥатәи аҭыԥ ааникылеит СССР аицлабрақәа ақыҭақәа рҽыбӷаҟазаҩцәа рхаҭарнакцәа рыбжьара.

1975 шықәсазы Қырҭтәыла дачемпионхеит, аус иуан Очамчыра аҽыбӷаҟазаратә школ аҟны. Уи иазыҟаиҵеит быжьҩык аспорт азҟазацәа. Иԥсҭазаара далҵит 2017 шықәса рзы.

© Фото : из личного архива Юрия БарателияЮрий Барателия во время соревнований
Юрий Барателия во время соревнований - Sputnik Аҧсны
Юрий Барателия во время соревнований
Ажәабжьқәа зегьы
0