Леибництәи абиблиотекаҿы Аԥсны иазку аматериалқәа ҟалоит

© Foto / предоставлено Хиблой АмичбаХибла Амичба
Хибла Амичба - Sputnik Аҧсны
Анапаҵаҩра
Алекциа "Аԥсуа бызшәа Аԥсны аҭоурыхи акультуреи рсаркьак аҳасабала" мҩаԥысит хәажәкыра 14, Берлин иҟоу адунеи абызшәақәа Рмузеи аҟны.

АҞӘА, хәажәкыра 16 – Sputnik. Леибництәи азеиԥшбызшәадырра абиблиотекаҿи адунеи абызшәақәа Рмузеи аҿи Аԥсны иазку аматериалқәа ҟалоит ҳәа Sputnik иазаалыцҳауеит ФРГ иҟоу Аԥсны Адәныҟатәи аусқәа рминистрра ахаҭарнак Хьыбла Амҷԥҳа.

Хибла Амичба - Sputnik Аҧсны
Хьыбла Амҷԥҳа Германиа акомпозиторцәа Реидгыла далахәылахеит

"Алекциа "Аԥсуа бызшәа Аԥсны аҭоурыхи акультуреи рсаркьак аҳасабала" мҩаԥысит хәажәкыра 14, Берлин иҟоу адунеи абызшәақәа Рмузеи аҟны. Алекциа иалҵшәа хаданы иҟалеит Аԥсны иазку аматериалқәа Леибництәи азеиԥшбызшәадырра абиблиотекаҿи адунеи абызшәақәа Рмузеи аҿи рыҟалара", — ҳәа лҳәоит лара.

Алекциа мҩаԥылгеит Хьыбла Амҷԥҳа. Лажәахә аҟны ҷыдала дазааҭгылеит аԥсуа бызшәа шҭырҵаауаз анемец ҵарауаа Гиульденштедт, Розен, Дирр.

"Аинтерес аҵаны иҟоуп аимператрица Екатерина лнапынҵала анемец ҵарауаҩ Петер Симон Паллас 1787 шықәса рзы ишышьақәиргылаз усҟантәи аамҭақәа рзы ирдыруаз абызшәақәа реиҿырԥшратә жәар. Иара ахы акуан аԥсуа бызшәала, ажәа Анцәа ала", — лҳәеит лара.

Алекциаҿы иалацәажәан иара убасгьы Аԥсны инеихьаз Европатәи аныҟәаҩцәа ртема.

"Ҳара идҳарбеит абызшәа ишаныԥшуа аҭоурыхи акультуреи. Ирзыӡырҩын аԥсуа музыка, Берлинтәи ашкол аҵаҩы Ринана Қапԥҳа дзыԥхьаз ажәеинраала. Иаԥхьан Баграт Шьынқәба аԥсшәахь еиҭеигаз Ҳиоте иажәеинраалақәа, анемец бызшәахь еиҭаго "Ацынҵәарах" ацыпҵәахақәа", — ҳәа еиҭалҳәеит Хьыбла Амҷԥҳа.

Алекциа ашьҭахь азыӡырыҩцәа Аԥсны аинтерес кны иазҵаауан, иаадырԥшуан иара акультуреи аҭоурыхи инарҭбааны рыҭҵаара.

Ажәабжьқәа зегьы
0