Какоба: Москва иҭыжьу арҵагашәҟәқәа реиҭаҭыжьра ҳҭахуп

© Sputnik / Томас ТхайцукНовые учебники
Новые учебники - Sputnik Аҧсны
Анапаҵаҩра
НовостиTelegram
Аԥсны аҵареи аҭҵаарадыррақәеи рминистрра аделегациа алахәын 2018 мшаԥы 18-21 рзы имҩаԥысуаз Москватәи Жәларбжьаратәи аҵаратә салон аусура.

АҞӘА, мшаԥы 26– Sputnik. Москватәи Жәларбжьаратәи аҵаратә салон аусураҟны ицәырган азҵаара: Урыстәыла иҭыҵуа арҵагашәҟәқәа Аԥсны рҭыжьразы Урыстәыла аҵара аминистрра ақәшаҳаҭхарц, иҳәеит Аԥсны аҵареи аҭҵаарадыррақәеи рминистр Адгәыр Какоба.

"Арҵагашәҟәқәа Аԥсныҟа иааргоит акоммерциатә ҟазшьа рыҭаны. Урҭ рыхәԥса акыр иҳаракуеит. Зны-зынла аҭаацәа ирылшом рхәыҷқәа рзы урҭ раахәара. Убри азы ари азҵаара цәыраагеит урыстәылатәи ҳколлегацәеи ҳареи ҳаицәажәараан. Урыстәыла аҵара аминистр Ирина Потехина агәра ҳлыргеит азҵаара шҭылҵаауазы, иалшо ала ацхыраара шыҟалоу азгьы", — иҳәеит аминистр.

Адгәыр Какоба иазгәеиҭеит аиҭаҭыжьраан ашәҟәы ахәԥса шеиҵахо.

Адгәыр Какоба Sputnik еиҭаз арадиоинтервиу шәазыӡырҩыр ҟалоит абра>>

Аминистр иара убасгьы иҳәеит Аԥснытәи аделегациеи Урыстәылеи Аахыҵ Уаԥстәылеи рделегациақәеи рнапы шаҵарҩыз аицусуразы аплан.

Аԥснытәи аделегациа уажә ԥшьынтәуп аҵаратә форум рҽаладырхәуеижьҭеи.

Ажәабжьқәа зегьы
0