АҞӘА, лаҵара 22 – Sputnik, Асида Кәыҵниаԥҳа. Ҩыџьа аԥснытәи акаратистцәа атурнир "Открытый татами" аҟны ахьтәы медалқәа ранашьахеит. Аԥсныҟа иааргеит иара убас аразны медалқәа хԥа, аџьаз медалқәа ааба. Абри атәы Sputnik акорреспондент илзеиҭеиҳәеит карате кекусинкаи азы Аԥснытәи Афедерациа апрезидент Витали Ҷыҭанаа.
Аиндаҭларақәа мҩаԥысуан 12-15 шықәса зхыҵуа рыбжьареиԥш 16-17 шықәса зхыҵуаз рыбжьарагьы. Иара абри аамҭазы 6-11 шықәса зхыҵуа рыбжьарагьы имҩаԥган ахәыҷтәы турнир. Иааидкыланы атурнир иалахәын
150 спортсмен. Атурнир аихшьаалақәа рыла актәи аҭыԥ ааныркылеит аԥснытәи аспортсменцәа: Илиа Дочиеи Виолетта Кондакчиани.
"Атурнир иалахәын ачемпионцәа, аспортсменцәа бзиақәа. Усеиԥш иҟоу ҳанрыднагало ҳаспортсменцәа рԥышәа иацлоит. Афинал ахь инеиит хәҩык аспортсменцәа. Ҳара ҳтәқәа иранашьахеит ҩ-хьтәы медали х-разны медали", — иҳәеит Ҷыҭанаа.
Витали Ҷыҭанаа зхадараҿы дыҟоу Афедерациа еиҿкаан 1998 шықәса рзы.
