Аԥсны анапхгара алахәын Урыстәыла аҳәаахьчаратә арратә хәҭа аиубилеи

© SputnikДень пограничника
День пограничника - Sputnik Аҧсны
Анапаҵаҩра
НовостиTelegram
Урыстәыла ахада иқәҵарала лаҵара 28 аҳәаахьчаҩцәа рымшныҳәаны ишьақәырӷәӷәоуп.

АҞӘА, лаҵара 28 — Sputnik. Аԥсны аҳәынҭқарра ахадара, анапхгара рхы аладырхәит Урыстәыла аҳәаахьчаратә арратә хәҭа аԥҵеижьҭеи шәы-шықәса ахыҵра иазкыз аныҳәа.

"Шәара шәфырхаҵара, шәычҳара, ишәымоу апатуеиқәҵара ҳаракыла ҳазнеиуеит. Урыстәылеи Аԥсныи рҳәаахьчаҩцәа есҽны атерроризми, ацәгьоурақәеи ирҿагыланы аус руеит. Ҳрызгәыдууп аԥснытәи аҳәаахьчаҩцәа, Аԥсны Аџьынџьтәылатәи еибашьра ашықәсқәа рзы аԥышәа зауз", — иҳәеит Рауль Ҳаџьымба.

Хашҭра зқәым афырхаҵара аадырԥшит аҳәаахьчаҩцәа Аџьынџьтәылатәи еибашьра дуӡӡа аан, 1941-1945-тәи ашықәсқәа рзы, иҳәеит Аԥсны иҟоу Урыстәыла ацҳаражәҳәаҩ Алексеи Двинианин.

"Асовет ҳәаахьчаҩцәа роуп анемец фашистцәа рҿагылара зылшаз, урҭ рфырхаҵара хашҭра ақәым", — иҳәеит Двинианин.

Аинрал-маиор Дмитри Иудин иҳәеит — Аҳәаахьчаҩцәа рымш — иҭаацәашәалатәу ныҳәоуп ҳәа.

Урыстәыла аҳәаахьчаҩцәа рымшныҳәа иалахәыз минуҭктәи аҿымҭрала иргәаладыршәеит зуалԥшьа анагӡараан иҭахаз рҩызцәа. Ашәҭқәа шьҭарҵеит Аԥсны иҟоу Урыстәыла аҳәаахьчаратә арратә хәҭа аусзуҩ Андреи Удальцови, иара убас атерроризм аҿагылара ацентр аҿы зуалԥшьа назыгӡоз Едуард Нерсесиан, Уасил Квитко рбаҟа амҵан.

Ажәабжьқәа зегьы
0