Кобахьиа: Афон Ҿыц идырбгаз ахыбра ауаа рзы ашәарҭара аман

© Фото : Министерство культуры и охраны историко-культурного наследияЗдание табачного склада в Афоне
Здание табачного склада в Афоне - Sputnik Аҧсны
Анапаҵаҩра
НовостиTelegram
Зыбжа еилабгахьаз аҭҭын-ҵәахырҭа ықәган ԥхынгәы 19 рзы.

АҞӘА, ԥхынгәы 19 – Sputnik. Афон Ҿыц идырбгаз ахыбра ауаа рзы ашәарҭара аман иҳәеит Sputnik аинтервиу азҭаз Аԥсны акультуреи аҭоурых-культуратә ҭынха аиқәырхареи рзы аминистр лхаҭыԥуаҩ Баҭал Кобахьиа.

Ҳаџьымба: алеишәа ҷыда аарԥштәуп акультуратә баҟақәа рыхьчаразы

"Ажьырныҳәамза аахыс ахыбра еиҳа-еиҳа еилаҳауа иалагеит. Ауаа ирыздырам иара зхатәу ахыбра ақәгара азин шимоу", — иҳәоит аминистр лхаҭыԥуаҩ.

Ахыбра аҳәынҭқарратә сиа ианын (№624) ҳәа азгәеиҭоит Кобахьиа.

"Аԥсны азакәанԥҵара инақәыршәаны аҭоурых-культуратә обиектқәа рыҭира раахәара азин ыҟам, аха ҭагылазаашьақәак раан Апарламент иамоуп азин ахатәтәра азҵаара аӡбрц. Убас, ари ахыбра акрааҵуеит ахатәтәҩы дамоижьҭеи", — иҳәеит Кобахьиа.

Ажьырныҳәа 30 2018 шықәса рзы Аԥсны акультуреи аҭоурых-культуратә ҭынха аиқәырхареи рзы аминистррахь инеиит ашәҟәы абри ахыбра сасааирҭак аҳасаб ала ареконструкциа азуразы ареставрациатә дҵа роуразы.

"Иахәҭаны иҟаз адокументқәа зегьы ацын: апаспорт ахкьыԥхьаа, аҭираз аилаӡара, ахыбра аҭҵааразы аҳәынҭқарратә лкаа. Жәабран 2 рзы ҳара уи аҭакс ираҳҭеит ахьчаратә хыдҵа ареставрациатә дҵа ацны. Уаҟа иарбан апроект аганахь ала аҭахрақәа зегьы", — иҳәеит иара.

Мшаԥы 18 рзы асасааирҭа аескизтә проект ҳаицақәшаҳаҭхеит ҳәа еиҭеиҳәоит Баҭал Кобахьиа.

"Уаҟа иҟаз ахыбра аҽа ҩ-еихагылак ацҵара атәы азгәаҭан. Аха, лаҵара 4 рзы аргыларатә усурақәа анымҩаԥыргоз аамҭаз аобиект аҩада-мраҭашәаратәи аҭӡы еилабгеит. Ҳара уахь ҳнеиит иҟалаз абаразы. Ишьақәҳаргылеит атехникатә ҭагылазаашьазы акт. Лаҵара 8 рзы Апрокуратура хадахьы ашәҟәы наҳашьҭит имҩаԥысуаз аусурақәеи апроекттә документациеи реишьашәалара ҭырҵаарц азы", — иҳәоит иара.

© Фото : Министерство культуры и охраны историко-культурного наследия Здание табачного склада в Афоне
 Здание табачного склада в Афоне - Sputnik Аҧсны
Здание табачного склада в Афоне

Апрокуратура аус ҭҵааны, лаҵара 18 рзы Аԥсны акультуреи аҭоурых-культуратә ҭынха аиқәырхареи рзы аминистррахь ҳашәҟәы аҭак аанашьҭит.

"Ашәҟәаҿы Апрокуратура хада иҳаднагалеит абри азҵаара ҳхала иҳаӡбарц. Аха ашәҟәы ахыркәшамҭаҟны лкаак аҳасаб ала иарбан ахыбра ауаатәыҩса рыԥсҭазааразы ашәарҭара аҵоуп ҳәа. Иара аконструкциа еиҭакын. Ҳара абри ашьҭахь аргыларатә еиҿкаарақәа рахь аҳәара ҟаҳҵеит ахыбра аҭӡа арӷәӷәаразы иҳацхраарц", — иҳәоит Кобахьиа.

2018 шықәса, рашәара 15 рзы аминистрраҿы имҩаԥган абри азҵаара аганахь ала анаука-методикатә хеилак аилатәара.

"Аргыларатә еиҿкаарақәа ҳаҳәара аҭак аҟаҵара ахьрылымшоз инадҳәаланы иӡбан ахыбра ықәганы еиҭашьақәыргылазарц. Иазырхиан апроект. Иҟан аиқәшаҳаҭра ахыбра ажәытә ишыҟаз еиԥш еиҭашьақәыргылахарц", — иҳәеит Кобахьиа.

© Фото : Министерство историко-культурного наследияЗдание табачного склада в Афоне
Здание табачного склада в Афоне - Sputnik Аҧсны
Здание табачного склада в Афоне

Афон Ҿыц Ахада Феликс Дауҭиа Sputnik аинтервиу аҭо иҳәеит ахыбра ХХ ашәышықәса аҩажәатәи ашықәсқәа рзы ишыргылаз. Иара аренда ҳасабла Аԥсны Афырхаҵа Иосиф Цыгәба иҭан. Аамҭақәак рышьҭахь иара аҳәынҭқарра иамихәҳааит.

"Иара азин иҭан аобиект ҿыц иргыларц, аха аусурақәа рымҩаԥгараан ахыбра аҭыӡқәа руак аҩныҵҟа иҭаҳаит. Иахьатәи аамҭазы ахыбра аиҭашьақәыргылара залшом", — иҳәеит Дауҭиа.

Афон Ҿыц Ахада Феликс Дауҭиа Sputnik иаиҭаз аинтервиу шәазыӡырҩыр ҟалоит абра>>>

Ажәабжьқәа зегьы
0