АҞӘА, ԥхынгәы 27 – Sputnik. Арельстә автобус РА-2 Адлер-Гагра аусура хацнаркуеит нанҳәа 1 азы ҳәа аанацҳауеит "Урыстәыла Аихамҩақәа" асаит.
Арельстә автобус Гагреи Адлери еиманадоит. Иара мышкахьы ҩынтә имҩасуеит. Амҩа ҩ-сааҭк агоит. Убри аан аҳәааҿы агылара, аԥшра аҭаххом.
Абилеҭқәа раахәара ауеит Адлертәи адәыӷба анҿасырҭаҿы ма адәыӷба ахаҭаҿы. Иара убасгьы адокументқәа еиқәыршәахар ауеит ацҵа "Пригород" ала. Абилеҭ ахәԥса иартәоит – 250 мааҭ.
"Адлернтәи ашьыжьтәи ареис дәықәлоит асааҭ 8:50 рзы, Гагра иаауеит асааҭ 10:54 рзы, шьыбжьон: асааҭ 13:40 идәықәлоит, Гагра иҟалоит 15:44 рзы. Гагрантәи ашьыжь ицоит асааҭ 11:10 рзы, Адлер иҟалоит асааҭ 13:20 рзы, иара убасгьы асааҭ 17:20 рзы иқәҵуа Адлер инеиуеит асааҭ 19:30 рзы", — ҳәа аҳәоит "Урыстәыла Аихамҩақәа" асаит.
