"Коӷониаԥҳа лымҩаду": Надараиа Аԥсныи Қырҭтәылеи реизыҟазаашьа иазкны
"Иахьатәи аамҭазы аибашьра аформа аҽаԥсахит. Аибашьра нымҵәаӡацт, уи цоит политикала, уи цоит амассатә информациатә хархәагақәа рыла, економикала, еиуеиԥшым амчрақәа русзуҩцәа рыла. Ҳара 25 шықәса адунеи аҟны идҳардырырц ҳаҿуп ҳҳәынҭқарра шҳамоу, излаҳалшо ала уи азхазҵо рхыԥхьаӡара еизҳархарц. Ақырҭцәа иахьа имҩаԥырго аполитика ажәакала иуҳәозар, еибашьрала ианамыхәа, Урыстәыла ҳхьыԥшымра аназханаҵа, ҳаархәарц иалагеит. Ҳаргәабзыӷны, дареи ҳареи ҳәынҭқаррак аҟны ҳаанхоит ҳәа аԥсуаа иаҳҳәарц, амҩа ылхны ирымоуп", — иҳәеит Надараиа.
