"Хра злоу ахҭысқәа": Дбар ҳџьынџьуаа рыԥсадгьыл ахь рырхынҳәразы иазкны
"Иахьа Иорданиантә аԥсуа ҳәынҭқарра тәылауаҩра ҳауеит ҳәа иаауа рхыԥхьаӡара иаҳа ирацәахеит Ҭырқәтәылантә иаауа раасҭа. Ус еиԥш ҟамлаӡацызт, Иорданиа актәи аҭыԥ ааныкылартә еиԥш. Цандрыԥшь иахьаҵанакуа, Гьечрыԥшь ақыҭан рҭыԥ азылархыит. Гәыла-ԥсыла рҽазыҟаҵаны, ҳџьынџь ԥсадгьыл ахь ҳхынҳәуеит ҳәа иаауа роуп, ҳарԥырхагамхар. Ҳџьынџьуаа ихынҳәуа рхатә мал рыманы иаауеит, раԥхьаӡа иргылан рдыррақәа, рхатә гәаанагарақәа. Аиаша шәасҳәап, ҳара убыс еиԥш аџьынџьуаа ҳамоуп, цқьагьы еилкааны иҳамамзар ҟалап, рнапы злакуи, урҭ рылшарақәеи", — ҳәа азгәеиҭеит Дбар.
