АҞӘА, абҵара 28 — Sputnik. ЕАШ акинокритикцәа Рмилаҭтә хеилак 2018 шықәсазы иреиӷьу ҳәа иршьеит америкатәи арежиссер Питер Фаррелли икиносахьа "Зеленая книга", Бредли Купер афильм "Звезда родилась" азы иреиӷьу арежиссиор ҳәа далыркааит. Абри атәы аанацҳауеит РИА Новости, апортал Deadline Hollywood адыррақәа ҵааҵӷәыс иганы.
Иреиӷьу актер ҳәа далкаауп Вигго Мортенсену ("Зеленая книга"), иреиӷьу актриса ҳәа далкаауп Леди Гага ("Звезда родилась").
"Ҳара гәахәара дула аԥхьахә аҳҭоит адрама "Зеленая книга". Агәахәара ду ҳамоуп Бредли Купер, аҟыбаҩ ссир змоу арежиссиор аԥхьахә ахьиаҳҭо, иреиӷьу арежиссиор ҳәа дахьалаҳкаауа", — иҳәеит акинокритикцәа рхеилак адиректор Енни Шульхоф.
Аԥхьахәқәа рыҭара мҩаԥгахоит NBR Awards агала-концерт аҿы 2019 шықәса ажьырныҳәа 8 рзы.
