Микрофон  - Sputnik Аҧсны
Арадио

Қәираиа ақалақь ахада иалхразы ареферендум амҩаԥгара иазкны: ажәлар иразҵаатәуп

© Sputnik / Томас ТхайцукЭдуард Квирая
Эдуард Квирая - Sputnik Аҧсны
Анапаҵаҩра
НовостиTelegram
Иаҭахума ақалақь ахада иалхразы ареферендум амҩаԥгара, абри азҵаара иалацәажәон Аԥсны ауаажәларратә палата аилатәараҿы. Уи шымҩаԥысыз атәы арадио Sputnik Аԥсны аефир аҿы еиҭеиҳәеит апалата алахәыла Едуард Қәираиа.
"Хра злоу ахҭысқәа": Қәираиа ақалақь ахада иалхразы ареферендум амҩаԥгара иазкны

"Иахьа иалацәажәан ари азҵаара, уи апҳьагьы ишьҭаҳхьан, араҟа ақалақь ахада иалхра ҳәа акәӡам азҵаара шықәгылоу, ақалақь ахада иалхра аҭаху-иаҭахыму ҳәа ажәлар разҵаара ауп, ареферендум амҩаԥгара. Са сгәаанагарала, ажәлар разҵаара ибааԥсу усӡам. Атәыла ахада иҭижьыз аусԥҟа аӡәгьы мап ацәаҳамкит, аха аҿыцрақәагьы ирыцәшәатәӡам", — ҳәа азгәеиҭеит Қәираиа.

Аҟәа ақалақь ауааԥсыра аҳҭнықалақь ахада иалхразы алшара рыҭара аҭаху-иаҭахыму ҳәа ареферендум амҩаԥгаразы ақалақьтә еизара иаданакылаз аӡбамҭа инамаданы Аԥсын ахада иҭижьит уи мап ацәызкуа аусԥҟа, уи шьаҭасгьы иаиҭеит атәыла Аконституциа Аԥсны административтә ҵакырадгьылқәа рнапхгараҭаразы азакәан иаҿагылоит ҳәа.

Аиҿцәажәара инарҭбаан шәазыӡырҩыр ҟалоит арадио Sputnik Аԥсны ишиашоу ицо аефир аҟны, асааҭ 18:00 рзы.

Ажәабжьқәа зегьы
0