"Иреиӷьу асахьаҭыхыҩ" аҟны иалкаахаз ихьӡ рҳәоит ԥхынҷкәын 4 рзы

© Sputnik / Томас ТхайцукВыставка в ЦВЗ к юбилею Георгия Гулия
Выставка в ЦВЗ к юбилею Георгия Гулия - Sputnik Аҧсны
Анапаҵаҩра
НовостиTelegram
Аԥсны асахьаҭыхыҩцәа Реидгыла аиндаҭлара "Иреиӷьу асахьаҭыхыҩ" аҟны иалкаахаз ихьӡ рҳәоит ԥхынҷкәын 4 рзы.

АҞӘА, абҵара 29– Sputnik, Бадраҟ Аҩӡба. Аԥсны асахьаҭыхыҩцәа Реидгыла аиндаҭлара "Иреиӷьу асахьаҭыхыҩ" аҟны иалкаахаз ихьӡ рылаҳәахоит ԥхынҷкәын 4 рзы ҳәа радио Sputnik аҿы иҳәеит Аԥсны асахьаҭыхыҩцәа Реидгыла ахантәаҩы Витали Џьениа.

"Асахьаҭыхыҩцәа зегьы ари ацлабра иалахуп. Асахьаҭыхыҩцәа Реидгылаҿы иҟоуп ахеилак, дара ашықәсан иалкааз аусумҭақәа аконкурс ахь инаргоит. Иара убас, аицлабра рхы аладырхәыр ауеит асахьаҭахыҩцәа ҿарацәагьы. Ашықәсан иреиӷьу ҳәа иалкаахо аусумҭа, мышкы, агалериаҿы ицәыргақәҵахоит", - ҳәа азгәеиҭеит Џьениа.

Аԥсны асахьаҭыхыҩцәа Реидгыла ахеилак алахәылацәа акыр аџьа рбоит иреиӷьу арҿиамҭақәа ралкааразы.

"Аиндаҭлара рхы аладырхәыр алшоит асахьаҭыхыҩцәа Реидгыла иалоу реиԥш уи иалахәымгьы, ссахьаҭыхҩуп ҳәа зхы зыԥхьаӡо", - иҳәеит Џьениа.

Аидгыла ахеилак алахәылацәа аиндаҭлара алахәылацәа аналыркаалак ашьҭахь аҩбатәи аетап иалагоит. Аҩбатәи аетап аҿы 10-15 усумҭа алырхуеит. Иара урҭ роуп аԥхьахә азы еиндаҭло.

Аԥсны асахьаҭыхыҩцәа реидгыла ахантәаҩы Витали Џьениа - Sputnik Аҧсны
Арадио
Џьениа еиҭеиҳәеит "Иреиӷьу асахьаҭыхыҩ- 2018" дшаалкаахо атәы

"Зынӡа х-турк мҩаԥаагоит. Аҟазауаа реиҳараҩык рыбжьы зауз аусумҭа аиааира агоит. Иҟоуп иара убасгьы аҩбатәии ахԥатәии аҭыԥқәа" - иҳәеит иара.

Иара убри аан иазгәеиҭеит сынтәа аиндаҭларахь икылго аусумҭақәа реиҳарак рыҳаракыра уаанӡатәи ашықәсқәа раан аасҭа илаҟәуп, абзиаӡақәа шыҟоугьы ҳәа.

Аԥхьахә "Иреиӷьу асахьаҭыхыҩ" азы ацәыргақәҵа еиҿыркааит Аԥсны акультуреи аҭоурых-культуратә ҭынха ахьчареи рминистрреи Аԥсны асахьаҭыхыҩцәа реидгылеи. Имҩаԥысуеит 2002 шықәса раахыс. Хықәкны иамоуп асахьаҭыхыҩцәа адгылара рыҭара, ахьыӡ ҿыцқәа раартра.

"Сынтәатәи ацәыргақәҵа уаанӡатәиқәа излареиԥшым, аҿар рацәоуп. Уи тенденциа шьахәуп. Аҿыханҵеи аскульптуреи раасҭа арахь иаагоуп асахьатә ҟазара, аграфика. Иҟоуп сериала иӡырго аусумҭақәа. Иаҳҳәап аинтерес аҵоуп Баҭал Џьапуа играфикатә сериа, аинтерес рымоуп Адгәыр Амԥар, Диана Хынҭәԥҳа русумҭақәа" - лҳәеит Аԥсны акультуреи аҭоурых-культуратә ҭынха ахьчареи рминистр Ельвира Арсалиаԥҳа.

"Ԥхынҷкәын 4 рзы аиндаҭлараҿ аиааира згаз рыхьӡ ҳарзоит. Аусумҭақәа алыркаауеит апрофессионалтә жиури" - лҳәеит аминистр.

Ажәабжьқәа зегьы
0