Шәманиа "Ткуарчал Fest" азы: акастинг рҽаладырхәит Аԥсны зегьы аҟынтәи ашәаҳәаҩцәа

© ФотоАрхивное фото микрофона
Архивное фото микрофона - Sputnik Аҧсны
Анапаҵаҩра
НовостиTelegram
Акастинг рҽаладырхәит Гал, Тҟәарчал, Аҟәа, Гагра, Гәдоуҭа араионқәа.

АҞӘА, абҵара 28 – Sputnik. Амузыкатә еиндаҭлара ҿыц "Ткуарчал Fest" иалахәхоит 25-ҩык ашәаҳәаҩцәа ҳәа радио Sputnik иазеиҭеиҳәеит апроект авторцәа ируаӡәку, ашәаҳәаҩ Џьимми Шәманиа.

Иара иажәақәа рыла акастинг иалахәын 35-ҩык ашәаҳәаҩцәа.

Шәманиа "Тҟәарчал Fest" иазкны: ахәыҷқәа агәаҵԥыҳәара аадырԥшит

"Аԥхьаҵәҟьа ҳара ҳацәшәон акастинг ахь ауаа маҷны иааир ҳәа. Аха алаҳәара аныҟаҳҵа ашьҭахь аҭел иаҳзасуа иалагеит, алахәылахаразы рыҽҭарыҩуа иалагеит, иара тҟәарчал адагьы, Аԥсны егьырҭ ақалақьқәеи ақыҭақәеи рҟынтәгьы. Уи даара иџьшьарахеит, ҳагьеигәырӷьеит", - ҳәа еиҭеиҳәоит ашәаҳәаҩ.

Амузыкатә еиндаҭлара раԥхьаӡа акәны Тҟәарчал имҩаԥгахоит. Амҩаԥгара аидеиа авторс дамоуп Џьимми Шәманиа.

"Сара схаҭа с-Тҟәарчалтәуп. Еснагь сгәы иалан убри асеиԥш иҟоу уснагӡатәык ахьаҳзеиҿымкаацыз. Сгәаанагара сҩыза Авто Конџьариа ианизеиҭасҳәа, адгылара сиҭеит. Ҳшақәымгәыӷӡоз ақалақь аҿы амузыкатәи ашәаҳәаратәи ҟыбаҩ зло ахәыҷқәа рацәаҩхеит", - иҳәеит иара.

Алахәылацәа ҩ-гәыԥкны рықәрала еихшахоит: 10 - 15 шықәса зхыҵуа ргәыԥи 16 - 25 шықәса зхыҵуа ргәыԥи.

"Аԥхьа ҳара иҳагәҭакын 12 шықәса зхыҵуа рҟынтәи адкылара ҳалагарц, аха ҳара ҳахь дааиит 10 шықәса зхыҵуаз аӡӷа, убасгьы ашәа ҳзылҳәеит – адуцәа ишрылымшашаз. Уи дҳамгар ҳгәы иамуит", - ҳәа еиҭеиҳәоит Шәманиа.

Гәыԥ-цыԥхьаӡа иазыԥхьагәаҭоуп хԥа-хԥа ԥхьахә. Гран-при иоуеит аӡәы.

"Ткуарчал Fest" афинал мҩаԥгахоит ԥхынҷкәын 30 рзы, тҟәарчалтәи акультура Ахан аҿы.

Ажәабжьқәа зегьы
0