Баҭал Чежьиа Танзаниатәи аспортсмен индаҭлараҟны аиааира игеит

© Фото : скриншот: Youtube/MMABOXINGБой Батала Чежия с соперником из Танзании Мада Линус Мауго в Москве 12 декабря 2018
Бой Батала Чежия с соперником из Танзании Мада Линус Мауго в Москве 12 декабря 2018 - Sputnik Аҧсны
Анапаҵаҩра
Yandex newsTelegram
Апрофессионалтә бокс жәларбжьаратәи ахәылԥаз аҟны Баҭал Чежьиа диндаҭлон Танзаниатәи аспортсмен Мада Линус Мауго. Баҭал ҩаԥхьа аиааира игеит. Аиндаҭлара мҩаԥысуан Москва, ԥхынҷкәын 12 рзы.

АҞӘА, ԥхынҷкәын 13– Sputnik, Бадраҟ Аҩӡба. Апрофессионалтә бокс жәларбжьаратәи ахәылԥаз аҟны Баҭал Чежьиа дзындаҭлон Танзаниатәи аспортсмен Мада Линус Мауго нокаут длаишьҭит.

Баҭал Чежьиеи Мада Линус Маугои 76 кьыла рҟынӡа зыкапан ыҟаны иқәгылоз иреиуан. Аиндаҭлара аа-раундк иҟан.

Батал Чежия на пресс-конференции в Sputnik Абхазии - Sputnik Аҧсны
Чежьиа: сзындаҭло иҵоуроуи иҵоурами иҟазшьақәа ҭысҵаароуп

Актәи араунд аан аӡәы деиӷьуп аӡәы деицәоуп ҳәа узымҳәо имҩаԥысит. Аҩбатәи араунд аан Баҭал аԥыжәара игеит.

Маҷ-маҷ Аԥснытәи аспортсмен аԥыжәара шимаз убо иалагеит.

Аԥшьбатәи араунд аан Баҭал Чежьиа иакымкәа ажәыларақәа мҩаԥигеит, нокаут ала дзындаҭлозгьы дииааит.

Баҭал Чежьиа –ажурнал "Про Бокс" аверсиала ИАРи Аславиан тәылақәеи дырчемпионуп, 2017 шықәса рзы Анапа имҩаԥысуаз ашоу "Гладиаторы ринга" аҟны дииааит, Ростов-на-Дону ақалақь аҿы апрофессионалтә бокс ахәылԥаз далахәын, Москва иқәгылараан акамерун Даниел Нигата дииаиуеит.

Баҭал Чежьиа аа-қәгыларак мҩаԥигахьеит. Иқәгыларақәа зегьы рыҟны аиааира игеит.

Ажәабжьқәа зегьы
0