Атәылауааи аиҳабыреи: Ҷкотуа аҳҭнықалақь аҿы алифтқәа рыԥсахра иазкны
"Иахьазы 120 лифт ԥсахуп, еиҭа 300 ԥсахтәны иаанхоит. Алифтқәа еснагь урхылаԥшлароуп, аус рыдулалатәуп. Ауаа ииашамкәа рхы иахьадырхәо аҟнытә ирласны русура аангылоит. Алифтқәа русура иаԥырхагоуп алашара аиҭакрагьы, уи иаразнак анырра анаҭоит. Дара рыԥсахра ус имариам, уи азы аус ауеит иҷыдоу апрограмма, аинвестпрограмма. Аҳҭнықалақь аҿы сынтәа ишьақәҳаргыларан иҟоу алифтқәа рхыԥхьаӡара еилкаам, афинансқәа рганахьала ҳшааиқәшәалак, аусурақәа ҳрылагоит, хышықәса рыҩныҵҟа зегьы ҳаԥсахыртә ҳаҟоуп. Акы ҳанаҳьымӡо, Урыстәылантәи аусзуҩцәа ааҳгоит", - ҳәа азгәеиҭеит Ҷкотуа.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
