ЕгрыГЕС хәажәкырамзазы иаангылар ауеит

© Sputnik / Томас ТхайцукЕгрыГЕС
ЕгрыГЕС - Sputnik Аҧсны
Анапаҵаҩра
НовостиTelegram
ЕгрыГЕС имҩаԥысит Аԥсны ажурналистцәа рыпресс-тур. Уи еиҿнакааит АУН "Амшынеиқәафымцамч"

ЖӘЫРГЬЫҬ, жәабран 14 – Sputnik, Бадри Есиава. ЕгрыГЕС аҟны аӡы лаҟәит иреиҵаӡоу аҩаӡараҟынӡа, уи иахҟьаны 2019 шықәса хәажәкырамзазы астанциа аусура аанкылахар ауеит ҳәа ажурналистцәа ирзеиҭеиҳәеит ЕгрыГЕС анапхгара ахантәаҩы Леван Мебониа.

"Иахьатәи аамҭазы аӡеизакырҭаҿы аӡы иреиҵаӡоу аҩаӡараҟынӡа илаҟәуп. Уи 440 метра инаӡоит", - иҳәеит Мебониа.

Аԥсны бжьаратәла уахыки ҽнаки рыла 7,8 миллион киловатт ннахуеит.

Рауль Ҳаџьымба апресс-конференциа мҩаԥигеит - Sputnik Аҧсны
Ҳаџьымба: Аԥсны афымцамчтә система ауадаҩрақәа рацәаӡоуп

"Уи иахҟьаны ЕгрыГЕС аҟны есыҽны аӡы аҩаӡара метрак-метрак агхоит. Асеиԥш ицалар, 2019 шықәса хәажәкырамзазы афымцастанциа аусура нкылатәхоит", - ҳәа иҳәоит иара.

Аӡеизакырҭа иакуеит миллион кубометрак рҟынӡа аӡы. Аӡы аҩаӡара акаҳара аӡынраз ақәоуреи асоуреи ахьыҟамызи, Аԥсны афымцамч ахархәара ҳаракы ахьамоуи ирыдырҳәалоит.

Мебониа иажәақәа рыла, Аԥсны рхы иадырхәо афымцамчи миллионки бжаки ауааԥсыра ахьынхо Қарҭ инырхуа афымцамчи еиҟароуп.

"Абҵареи хәажәкыреи ирыбжьаркуа аамҭазы 85-90% афымцамч Аԥсныҟа инаҳашьҭуеит. Ашықәс аҩныҵҟа 47-48% Аԥсны иагоит, иаанхо – Қырҭтәыла. Еиҳа иуадаҩу аамҭа аӡынроуп", - ҳәа еиҭеиҳәоит Леван Мебониа.

Басариа иҳәеит фымцалашарала ауаа реиқәыршәараз аҭагылазаашьа зеиԥшроу

ЕгрыГЕС ахархәарахь ирыҭан 1978 шықәса рзы. Агидроагрегатқәа Аԥсны аҵакырахь иҟоуп, аӡеизакырҭа – Қырҭтәыла аҵакыраҿы. Алшара 1300 мегаватт ыҟоуп.

 

Ажәабжьқәа зегьы
0