Микрофон  - Sputnik Аҧсны
Арадио

Амҷыԥҳа: Европа ҳазхаҵара иацәыхароуп, аха цҳаны иҟало аимадарақәа ҳабжьаҳҵар ауеит

© Фото : страница Хиблы Амичба в FacebookХибла Амичба
Хибла Амичба - Sputnik Аҧсны
Анапаҵаҩра
НовостиTelegram
Германиа иҟоу Аԥсны ахатарнак Хьыбла Амҷыԥҳа арадио Sputnik аефир аҟны еиҭалҳәеит еицырдыруа афирма "Jaguar" еиҿнакааз аӡыргаратә хәылԥаз аҟны Аԥсны ахаҭарнакцәа ралахәхара шыҟалаз, иара убас ҳтәылаҟны иҭрыжьуа аалыҵ шцәыргаз.
Амҷыԥҳа: Европа ҳазхаҵара иацәыхароуп, аха цҳаны иҟало аимадарақәа ҳабжьаҳҵар ауеит

"Берлин агәаны иҟоу асалон ду аҟны афирма "Jaguar" ахатә цәыргақәҵа ҟанаҵеит. Германиа иҟоу Аԥсны ахәаахәҭра –ааглыхратә палата ахаҭарнак Вольфганг Матцке ибзоурала уи ҳалахәхартә иҟалеит. Ахәылԥаз аҟны афирма "Jaguar" иазкыз афильм ҳарбан, анаҩс  иҭрыжьхьоу  раԥхьатәи амодельқәа инадыркны иахьатәиқәа рҟынӡа ҳзеиҭарҳәеит, иқәыргыланы ирымаз амашьынақәа ҳдырбеит, урҭ рыбжьара зынӡа иҿыцӡоу амодель, иара аӡыргара акәын ахәылԥазгьы зызкыз. Ирацәаҩын уи  иалахәыз абизнес ахаҭарнакцәа. Сеигәырӷьоит ас еиԥш аусмҩаԥгатә аҟны Аԥсны алахәны иахьыҟалаз, ҳбираҟ ықәыргылан, ҳтәыла ахәаахәҭра-ааглыхратә палата аалыҵ цәырганы асасцәа ирыдгалан. Аԥсны иҭрыжьуа арыжәтә џьбара "Ачара" захьӡу алаҵаны иҟаҵаз арыжәтәқәа рыдгалан. Уи ҟазҵоз ауаҩы Санкт-Петербургынтә дааԥхьан Берлинҟа. Ажәакала, ахәылԥаз иалахәыз Аԥсны аӡбахә бзианы ираҳаит, ашәҟәқәа, асувенирқәа шаны ираҳҭеит. Иҵаауаз рацәаҩын Аԥсныҟа ҳашԥацари, авиза шԥаҳаури, ҳахьнеиуа иарбан ҭыԥқәоу ҳазҭааша, абизнес аганахьала аусеицура шԥаҟоу ҳәа. Зегьы еилахқаауеит Европа ҳазхарҵарц азы  даара ҳшацәыхароу, аха аекономика, акультура, аҭҵаара аганахьала иҟоу аимадарақәа ҳтәылақәа рыбжьара ацҳақәа шыбжьанаҵо", - ҳәа азгәалҭеит Амҷыԥҳа.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Ажәабжьқәа зегьы
0