АҞӘА, мшаԥы 8 - Sputnik. Владимир Путин Рунет адунеитә интернет-ҵакыра ада ихәарҭаӡам ҳәа азиԥхьаӡоит ҳәа иҳәеит афорум аҿы Урыстәылатәи Афедерациа ахада Иусбарҭа ахада ихаҭыԥуаҩ Сергеи Кириенко аинтернет анапхгаразы урыстәылатәи ажәабатәи афорум (RIGF-2019) аҟны.
"Урыстәылатәи аинтернет адунеитә интернет-ҵакыра иаҟәыҭханы ҟалашьа амаӡам. Аинтернет аҿиаразы иӡбатәны иҟоу аусқәа зегьы еилацәажәаны иӡбалатәуп", - иҳәеит Кириенко, атәыла ахада иажәақәа ааго.
Урыстәыла ахада иара убасгьы иазгәеиҭеит Урыстәыла аинтернет ахақәиҭра апринцип ишықәныҟәо, абизнес-аԥшьгарақәа рынагӡаразы аинформациа аимдаразы хәдықәҵара шазнауа.
"Агәрагара ҳамоуп ԥхьаҟагьы ҳтәыла аинтернет ахақәиҭра апринцип ишықәныҟәо, абизнес-аԥшьгарақәа рынагӡаразы аинформациа аимдара хәдықәҵара шазнауа", - Путин иажәақәа еиҭеиҳәоит Кириенко.
Аинтернет анапхгаразы урыстәылатәи ажәабатәи аиубилеитә форум (RIGF-2019) мҩаԥысуеит урыстәылатәи амилаҭтә домен RU 25-шықәса ахыҵра аҳәаақәа ирҭагӡаны.
Цукерберг: аҳәынҭқарра аинтернет ахылаԥшра анаҭароуп
Афорум RIGF-2019 еиҿызкаауа аинтернет амилаҭтә домен акоординациатә центр ауп. Ацхыраара ҟанаҵоит Урыстәылатәи Афедерациа аимадареи амассатә коммуникациақәеи рминистрра.
