Апарламент аиҳабы: Анцәа иҳәозар ҳаӡбра зегьы ирзыманшәалахоит

© Sputnik / Томас ТхайцукАԥсны Жәлар Реизара аиҳабы Валери Кәарҷиа
Аԥсны Жәлар Реизара аиҳабы Валери Кәарҷиа - Sputnik Аҧсны
Анапаҵаҩра
НовостиTelegram
Аԥсны Апарламент аӡбра аднакылеит атәыла ахада иалхрақәа рыҿҳәара арыцхә нанҳәа 25 акәзарц.

АҞӘА, лаҵара 28 - Sputnik, Бадраҟ Аҩӡба. Анцәа иҳәозар ҳаӡбра зегьы ирзыманшәалахап иҳәеит Аԥсны Жәлар Реизара аиҳабы Валери Кәарҷиа.

Аԥсны Апарламент  - Sputnik Аҧсны
Аԥсны Апарламент алхрақәа рыҿҳәара анахаразы аӡбра аднакылеит

Иара иазгәеиҭеит ажәлар ирыхәозар ҳәа ишрыдыркылаз абри аҩыза аӡбра.

"Абарҭ амшқәа зегьы рзы ҳазлацәажәоз аӡбра ҳадаҳкылеит. Зегьы еицыжәдыруеит аоппозициаа раԥхьагыла Аслан Бжьаниа игәамбзиара иахҟьаны Аконституциатә закәан ахәҭаҷ 6 аусура амаратори азузарц адҵа шыҟарҵоз", - иҳәеит иара.

Ари Аконституциа иахьаҿагылоз инамаданы лаҵара 20 рзы адепутатцәа адгылара арымҭеит.

"Лаҵара 21 рзы атәыла ахадеи аоппозициааи реицәажәара ашьҭахь иӡбан алхрақәа рыҿҳәара аҽа мызкы инахазарц", - азгәеиҭеит Кәарҷиа.

Ари Аконституциа иаԥырхагамызт аха аԥсахра алагалара ахәҭаны иҟан. Аԥсахраз апроект атәыла ахада иааишьҭит лаҵара 21 рзы.

"Апроект акраамҭа иалацәажәон, еилдыргон, ргәаанагарақәа еимырдон. Ҳара ԥыҭҩык, апроблема шьаҭанкыла ишазымыӡбо шеилаҳкаауагьы апроект адгылара аҳҭеит ҳажәлар ирыхәозар ҳәа", - иҳәеит иара.

Лаҵара 20 рзы атәыла аиҳабыра рхыбрақәа рҿаԥхьа аоппозициа адгылаҩцәа еизеит алхрақәа ԥхынгәы 21 иахыганы ҭагалан ахь ииагазарц.

Уи мап ацәкын. Убри ашьҭахь, лаҵара 21 рзы аоппозициаа ирыдыркылеит атәыла ахада иажәалагала: алхрақәа рыҿҳәара ԥхынгәы 21 аҟынтәи нанҳәа 25 ахь ииагазарц.

Рауль Ҳаџьымба лаҵара 22 рзы Апарламент ахь ирыдигалеит Аԥсны Аҳәынҭқарра азакәан "Аԥсны Аҳәынҭқарра ахада иалхразы" аконституциатә закәан аԥсахрақәа алагалазарц Азакәан апроект.

Апроект иазыԥхьагәанаҭоит алхрақәа рыҿҳәара атәыла ахада инапынҵақәа анышьҭеиҵонӡа ҩымз рҟынтәи мызк аҟынӡа реиҵатәра.

 

Ажәабжьқәа зегьы
0